1812 — Клясьцiцкi бой. Трохдзённая бітва пад Клясьціцамі на Расоншчыне, у часе якой расейскія войскі генэрала Пятра Вітгенштэйна імкнуліся спыніць наступ францускіх войскаў маршала Нікаля Удзіно.

1840 — расейскі імпэратар Мікалай I выдаў указ, які забараняў афіцыйна выкарыстоўваць супольныя назвы «літоўскія» (Віленская і Гарадзенская) і «беларускія» (Віцебская і Магілёўская) губэрні. Іх загадвалася называць толькі паасобку. Менская губэрня ўжо тады называлася сама па сабе, разам зь імі склала аснову будучага бюракратычнага паняцьця «Паўночна-Заходні край».

1863 — Міністэрства ўнутраных спраў Расейскай імпэрыі забараніла друкаваць рэлігійныя і навучальныя кнігі на ўкраінскай мове. У 1876 годзе імпэратар Аляксандар II увогуле забароніць друкаваць і ўвозіць кнігі па-ўкраінску.

1937 — У СССР надзвычайныя «тройкі» НКВД атрымалі права выносіць сьмяротныя прысуды «ворагам народу».​

2020 — адбыўся самы масавы перадвыбарчы пікет Сьвятланы Ціханоўскай і аб’яднанага штабу на плошчы Бангалор у Менску. У ім удзельнічала да 70 тысяч чалавек.

1871 — Віктар Чавусаў, беларускі грамадзкі дзяяч, журналіст. Адзін з кіраўнікоў Менскага таварыства аматараў прыгожых мастацтваў і Менскага літаратурна-артыстычнага таварыства.

1948 — Захар Шыбека, беларускі і ізраільскі гісторык, прафэсар. Нарадзіўся 30 ліпеня 1948 году ў вёсцы Асінаўка Беліцкага сельскага савету Сеньненскага раёну Віцебскай вобласьці.

1958 — Сяргей Рассадзін, гісторык, археоляг і геральдыст.

1898 — Ота фон Бісмарк, нямецкі палітык, дзяржаўны дзяяч.

1982 — ​ Яўген Шабан, паэт, драматург.

2007 — Мікелянджэлё Антаніёні, італьянскі кінарэжысэр.

2007 — Інгмар Бэргман, швэдзкі кінарэжысэр.

2014 — Уладзімер Дашук, беларускі кінарэжысэр.

2017 — Раман Сашчанка, сустваральнік беларускага гурту «ЛСП».