10 жніўня 2020 году ад стрэла сілавіка загінуў Аляксандар Тарайкоўскі, першы забіты ўдзельнік пратэстаў пасьля прэзыдэнцкіх выбараў. У яго стрэлілі, калі ён проста ішоў, падняўшы раскінутыя рукі, у бок сілавікоў у раёне станцыі мэтро «Пушкінская» ў Менску.

1518 — Францішак Скарына выдаў у Празе «Кнігі Царстваў».

1919 — створаны Часовы беларускі нацыянальны камітэт: беларуская грамадзка-палітычная арганізацыя, каардынацыйны орган беларускага нацыянальнага руху ў час польска-савецкай вайны 1919–20 гадоў на тэрыторыі, падкантрольнай польскім вайсковым фармаваньням.

1927 — у Менску зьезд праваслаўных сьвятароў і вернікаў абвясьціў Беларускую Аўтакефальную Царкву. Старшыняваў на зьезьдзе біскуп бабруйскі Філарэт, бо ініцыятар аўтакефаліі мітрапаліт Мэльхісэдэк у той час сядзеў у бальшавіцкай турме. Да новастворанай Аўтакефаліі належала 407 сьвятароў зь іхнымі прыходамі, г.зн. амаль усе прыходы Беларусі. Беларуская праваслаўная аўтакефальная царква праіснавала 10 гадоў. У 1937-м усе сьвятары былі арыштаваныя НКВД і расстраляныя або загінулі ў канцлягерах

2020 — Сьвятлана Ціханоўская разам з прадстаўнікамі аб’яднанага штабу Марыяй Калесьнікавай і Максімам Знакам ідуць у ЦВК падаваць скаргу пра парушэньні падчас правядзеньня выбараў. У ЦВК зь Ціханоўскай тры гадзіны размаўлялі прадстаўнікі сілавых структур. Пасьля гэтага Сьвятлана зьнікае. Як стане вядома пазьней, яе прымусілі выехаць у Літву.

1787 — Ігнат Даніловіч, беларускі правазнаўца і гісторык, прафэсар Віленскага ўнівэрсытэту, дасьледнік права і летапісаньня Вялікага Княства Літоўскага. Падрыхтаваў першае навуковае выданьне Статуту ВКЛ 1529 году. Разам з прафэсарам Віленскага ўнівэрсытэту Міхалам Баброўскім у бібліятэцы Супрасьлеўскага манастыра адкрыў гэтак званы Літоўскі летапіс 1446 году.

1796 — Ігнат Легатовіч, беларускі і польскі паэт, пэдагог

1878 — Еўсьцігней Міровіч, беларускі драматург і тэатральны рэжысэр.

1923 — Віктар Ялатаў, музыказнавец і фальклярыст

1929 — Алесь Ставер, беларускі паэт, празаік, драматург, аўтар тэксту песьняў «Жураўлі на Палесьсе ляцяць», «Беларусачка» і іншых.

1990 — Міхась Калачынскі, паэт.

2010 — Вячаслаў Дубінка, беларускі пісьменьнік, фатограф, журналіст, мастак, клясык беларускай выцінанкі.

2016 — Алесь Рашчынскі, кампазытар, дырыжор, фальклярыст.