Биир дойдулаахпыт, Арассыыйа уонна Саха сирин живописец-худуоһунньуга, Арассыыйа Худуоһунньуктарын сойууһун чилиэнэ Семен Луканси айар үлэтэ, чуолаан кини хартыыналара, ханнык баҕарар омук дьонугар өйдөнөллөр, кэрэхсэтэллэр. Ол да иһин, эдэр худуоһунньук элбэх дойдуга ыҥырыллан быыстапка тэрийэр, Сахатын сирин ускуустубатын киэҥ эйгэҕэ таһаарар.

Семен Лукансины кытары дойдутугар кэлэн бараары сырыттаҕына көрсөн сэһэргэстибит.

— Мин Амма улууһун Өнньүөс нэһилиэгиттэн төрүттээхпин. Оскуолабын манна бүтэрбитим. Үөрэнэ сылдьан, быраас буолуохпун баҕарарым. 9с кылааска үөрэнэр эрдэхпинэ аймахтарбын кытары Үөһээ Аммаҕа Суруктаах хайаҕа моонньоҕоннуу тахса сылдьыбыппыт. Дьэ, онно Суруктаах хайалары көрөн сөҕөн-махтайан да биэрбитим. Биэс тыһыынча сыл анараа өттүгэр боруонса үйэтигэр дьоннор маннык бэлиэ хаалларбыттар эбит диэн сөҕүүм эдэр киһи өйүгэр-санаатыгар, сүрэҕэр букатыннаахтык хаалбыта буолуо. Онтон ыла уруһуйдаан саҕалаабытым.
Оскуолабытыгар “Уһуйаан” диэн куруһуок аһыллыбыта. Онно бастакы учууталым Айталина Ивановна Алексеева миигин үөрэтэн, такайан, ускуустуба алыптаах эйгэтигэр сиэтэн киллэрбитэ.
— Өрөспүүбүлүкэ тас өттүгэр олорбутуҥ, үлэлээбитиҥ ыраатта быһыылаах?
— Уон сыл Москваҕа олорбутум. Чуолаан, алта сыл В. И. Суриков аатынан Москватааҕы судаарыстыбаннай академическай художественнай институкка үөрэммитим. Онтон түөрт сыл академияҕа стажердаабытым.

Сиһилии «Саха сирэ» хаһыат 14.08.26 ааҕыҥ.