Published on Jul 12, 2026 5:03 PM IST

ఏపీ ఉప ముఖ్యమంత్రి పవర్ స్టార్ పవన్ కళ్యాణ్ హీరోగా నటించిన ఉస్తాద్ భగత్ సింగ్ నిరాశనే మిగిల్చిన సంగతి తెలిసిందే. దీని తర్వాత పవన్ మళ్ళీ రాజకీయాల్లో బిజీగా మారారు. ఇంకోపక్క ఓజి 2 కోసం కూడా అనౌన్స్ చేయడం జరిగింది. కానీ ఊహించని విధంగా గత కొన్నాళ్ల నుంచి బాధ పడుతున్న భుజాల సమస్యకి చికిత్స తీసుకోవడం తప్పనిసరి అయ్యింది.

రెండు భుజాలకి ట్రీట్ చేయాల్సి ఉండగా మొదటగా వైద్యులు కుడి భుజానికి చేశారు. అయితే చికిత్స పొందుతున్న పవన్ ని ముంబైలో ఏపీ ముఖ్యమంత్రి చంద్రబాబు నాయుడు కలిసి యోగక్షేమాలు కనుక్కుని కొంచెం సేపు చర్చించారు. ఈ మీట్ కి సంబంధించి విడుదల చేసిన ఫోటో ఇపుడు వైరల్ గా మారింది. ఇందులో పవన్ చేతికి కట్టుతో కనిపించారు. ఇక ఇదిలా ఉండగా కొంత గ్యాప్ తర్వాత వైద్యులు పవన్ రెండో భుజానికి శస్త్రచికిత్స చేయనున్నారు. ఆ తర్వాత కోలుకున్నాక పవన్ మళ్ళీ సినిమాలు రాజకీయాల్లో బిజీగా మారనున్నారు.