05/08/2026 Actualizado a las 16:42h.

Abuztuak 6an Salbatore Eguna ospatzen du Getariak eta besperatik herriko festetan murgilduta daude herritarrak, bereziki gaztetxoak izan ziren protagonistak lehen ekitaldian.

Gonbidatu ez egoki bat ere izan zen, euria. Azpaldian zerura begira egon ondoren, jaien lehen egunean atorri da, itxuraz Getariako festak gogoko ditu euriak ere.

Gaztetxoak udaletxeko balkoitik iragarri zuten herria festetan murgiltzen zela baino ondoren atera behar zuten buruhandiak, kaleak buztita zeudenez eta erorketa arriskua handia zenez, bertan behera uztea erabaki zen. Dena den, larunbat arratsaldean aterako direla aurreratu zuten batel estropada amaitzean, moilatik atera eta herriko kaleak zeharkatuko dituzte.

Zorionez, Zarauzko Erraldoi txikiak eta Kita del pare txarangak alaitu zuten eguerdia eta bitartean Paella-lehiaketaren hasiera txosnagunetik Berdura Plazara eramatea erabaki zen, aterpe bila.

Zuzenean herriko gazteak sukaldatzen zer nola moldatzen diren ikusi ahal izan zuten getarirarrak eta prestatutakoarekin gazteen herri-bazkaria egin ahal izan zuten. Gazte hauek arratsaldean jokoak egin zituzten eta bitartean, haurrak, Sahatsaga kiroldegira joan ziren, euriak behartuta,j haur jolasetara.

Juan Sebastian Elkanoren heriotzaren 500. urteurrena dela eta, Itsasmuseum Bilbaok, Euskal Herriko Unibertsitateak (EHU) eta Getariako Udalak hitzaldi berezi bat antolatu dute gaurko egunerako. Goizeko 09:00etatik 11:00etara, Itsasmuseum Bilbaon, Elkanoren bizitza eta ondarea sakonago ezagutzeko aukera eskainiko da, haren azken borondateak eta nabigatzaile gisa erakutsi zuen aparteko gaitasuna ardatz hartuta.

Historialariek egindako dokumentazio-lanek erakusten dutenez, 1526ko abuztuan hil zen Juan Sebastian Elkano, munduari lehen bira eman eta lau urtera. Bost mende geroago, bere figura berriro aztertzeko eta haren ondarea balioan jartzeko elkartuko dira adituak Bilbon.

Abuztuak 6ko egitaraua

09:30. Getariako Musika Bandaren diana.

11:00. Meza nagusia, Getariako Abesbatarekin.

11:00. Haurrentzako tailerrak.

12:30. Alkatearen ohorezko aurreskua, udaletxe aurrean.

12:45. Getariako Musika Bandaren kontzertua, Harritarten.

17:30. Eskuz binakako XXVIII. Salbatore Pilota Txapelketako | Jubenilak eta 23 azpikoak -Gure Txeruk antolatuta.

18:00. Markeliñeren Chef Nature antzerki ikuskizuna, plazan.

19:30. Goxo txaranga.

19:30. Iago Mago, txosnetan.

22:30. Lekittoko Deabruak antzerki taldearen su-ikuskizuna.

23:00. Txosnagunean pintxada: Gga Zazta, Atlantis Brothers, Margari ta Barbari.