04/08/2026 a las 16:03h.

1526ko abuztuak 4an hil zen Juan Sebastian Elkano, getariar mariñela. Eta bost mende betetzen ziren egunean, Elkano Arrantzale Kofradiak lore eskaintza bat egin dio itsasoan lehen mundubira osatu zuen getariar ezagunari.

Itsasontzi batean, Salbatore Abesbatzako kideak atera dira, lorak bota dituzte uretara eta itsasoari lotutako lehengo, gaurko eta biharko mariñelak gogoratu dituzte otoitz batean.

Katamaranak, San Anton mendia inguratu du eta ondoren berriro itzuli eta portuan, 'Agur Jaunak' abestuz amaitu da ekitaldia. Ez da itsasontzi bakarra egon lore eskeintza honetan, herriko ontzi batzuk inguratu dute katamarana eta Guardia Zibilaren itsasontzia ere bertan izan da eta beraiek ere lore eskeintza egin diote Juan Sebastian Elkano zenari.