14/08/2026 Actualizado a las 11:32h.

Bere 50, urteurrena betetzen ari den urtena, Getariako Arraun Elkarteak denboraldi ikusgarria darama eta igandean etxean lehiatuko dute Ion Larrañagaren mutilak.

Arraunaren eliterik gorenak hitzordua izango du Getariako uretan igande honetan. Goi-mailako ikuskizuna eta urteroko giro bikaina erabat bermatuta egongo dira, herrian jokatuko baitira bai Eusko Label Ligako zein Euskotren Ligako estropadak, neska zein mutilen mailan.

Txapelketa nagusi honen aurkezpen ofiziala Ameztoi Txakolindegian egin zen eta bertan erakutzi zituzten biharko banderak nolakoak izango dire. Nahiago genuke mutilen bandera etxean geratzea.

Joan den asteburuan Ondarroan arazo ugari izan ondoren, Hondarribian bere betiko maila eman zuten, laugarren postuan amaituz. Sailkapen orokorrean ere postu hori betetzen dute eta larunbatean Pasai Donibanen txanda nagusian izango dira. Gauzak ondo joaten badira, igandean ere txanda nagusian izango dira etxean.

Zaleak gogor ari dira motorrak berotzen, eta hitzordu berezia antolatu dute igande goizerako. 'Marea Marroiak' deialdi zabala egiten die herritar guztiei, goizeko 11:00etan plazan biltzeko. Handik, elkarrekin eta indarrak batuta, mollara jaitsiko dira, estropadaz elkarrekin gozatzeko.

Giroa ezin hobea izango da uneoro, plazatik mollarainoko bidea txistulariek, herriko bandako kideek eta trikitilariek girotuko eta poztuko baitute, Getariako kaleak kolore marroiz eta animoz jantziz.