Animazioa | Txikientzat | Zinema Euskaraz

Zoo-an egiten duen lana salbatzeko, Davidek misio arriskutsu bat onartzen du: Hego Amerikan pakete misteriotsu bat berreskuratzea. Enkarguak gurutzaontzi batera eraman du, eta hara joan da bere bikotekide ohiarekin, euren semearekin eta Stéphane lagun baldarrarekin.

Egoera nabarmen korapilatuko da Stephanek, istripuz, paketea ireki eta marsupilami haurtxo maitagarri bat askatzen duenean.

Zineuskadik sustaturiko ADI! Filmak Euskaraz markaren lanari esker, aurten euskaratuta eskainiko duten hamabosgarren lana da honakoa.

.

.

Thrillerra | Zientzia fikzioa | Abenturak

1980ko hamarkada. Oak Street auzo amerikar osoa —etxeak eta bizilagunak barne— fenomeno kosmiko misteriotsu baten ondorioz bere lekutik “erauzi” eta mundu ezezagun batera eramaten dute. Platt familia, Denise (Anne Hathaway), Greg (Ewan McGregor) eta haien seme-alabak, bizirik irauten saiatuko dira ingurunea dinosauroz eta bestelako arriskuez josita dagoen bitartean.

.

.

Drama | Historikoa | 30eko hamarkada | Kolonialismoa

1936an kokatzen da, Palestina Britainiar Mandatuaren pean zegoen garaian, eta 1936–1939ko Palestinako matxinada arabiarra du ardatz.

Yusuf, landa-eremuko familia bateko gaztea, bere herrixkaren eta Jerusalemen artean bizi da. Hirian lan egiten duen bitartean, gero eta tentsio politiko handiagoa ikusten du: palestinarrak britainiar aginte kolonialaren aurka altxatzen ari dira, eta Europako antisemitismotik ihesi datozen juduen immigrazioa ere handitzen ari da.

Ezinbestean, Yusufen bizitza pertsonala eta inguruko pertsonen istorioak matxinadaren eta errepresioaren testuinguruarekin nahasten dira.

2025 | SEMINCI – Valladolideko Nazioarteko Zinemaren Astea: Punto de Encuentro

.

.

Drama | Familia | 90ko hamarkada

1991n kokatzen da, Txinako Henan probintziako landa-eremuan, eta urtebetez familia nekazari baten eta haien herriaren eguneroko bizitza jarraitzen du.  Istorioaren erdigunean Chuang, 10 urteko mutikoa, dago. Gurasoak hirira joan dira lana bilatzera, eta Chuang amaren familiaren herrixkan geratzen da, aitona-amonekin eta beste senideekin. Horrela, familia handi baten barruan hazten da, landa-komunitateko ohiturak, lan gogorra eta eguneroko harremanak ezagutuz.

Urteak aurrera egin ahala, ordea, aldaketa handiak iristen hasten dira herrira. Jendea hirietara joaten da lan bila; traktoreak eta telebistak agertzen dira; inbertsio eta negozio berriak sortzen dira, eta petrolio bila dabiltzan esploratzaileak ere iristen dira. Teknologia eta modernizazioa, beraz, belaunaldiz belaunaldi iraun duen bizimodu tradizionalarekin talka egiten hasten dira.

2025 | Berlinale – Berlingo Nazioarteko Zinemaldia: Zuzendari Onenari Urrezko Hartza

2025 | SEMINCI – Valladolideko Nazioarteko Zinemaren Astea:

.

.

Komedia | Gertakari errealetan oinarrituriko istorioa

Broome-rako bidean auto-istripu bat izan ondoren, Australiako Outbackeko herri urrun batean aurkituko du bere burua Chris Masterman telebistako aurkezle. Bertan, ustekabeko adiskidetasuna sortzen du Charlie 11 urteko aborigenarekin.

Elkarrekin, kanguru-kume umezurtzak erreskatatzen eta zaintzen hasiko dira. Bada, elkarrekin biziko dituzten abenturen bidez, adiskidetasunari, naturaren zaintzari, doluari eta bizitzan norberaren lekua aurkitzeari buruzko hausnartzeko beta izango dute.

.

.

Thrillerra | Ekintza

Londres erdialdeko obra batean, Bigarren Mundu Gerrako bonba bat aurkitzen dute, oraindik lehertu gabe dagoena. Agintariek ebakuazio erraldoia antolatzen dute berehala, milaka pertsona ingurutik ateratzeko, eta militarrek bonba desaktibatzeko operazioa hasten dute..

Baina ebakuazioak kaos handia sortzen duen bitartean, Karalisek zuzendutako gaizkile-talde batek egoera aprobetxatzen du.

.

.

Komedia | Familia | Historikoa | 90ko hamarkada

Berlingo Harresia erori ondoren, Ekialdeko Alemaniako markoa (Ostmark) bere balioa galtzear da. Testuinguru horretan, Marenek, Robert senarrak eta haien inguruko bizilagunek milioika marko aurkitzen dituzte lurpeko gordailu batean. Diru hori, ordea, oso denbora gutxian erabili ahal izango dute.

Orduan, taldeak plan bitxi bat prestatzen du: aurkitutako dirua ezkutuan Mendebaldeko Alemaniako markoengatik trukatzea, eta horretarako egoera kaotikoa eta sistemaren nahasmena aprobetxatzea. Arazoa da diruaren jatorria ofizialki existitzen ez den kapital batekin lotuta dagoela; beraz, trukea egitea ez da batere erraza izango.

Pixkanaka, diruaren inguruko abentura hori auzokideen arteko elkarlan, gatazka eta amets kolektibo bihurtzen da. Izan ere, ez dute soilik aberastu nahi: batzuek diru horrekin beren komunitatearen etorkizuna salbatzeko aukera ikusten dute.

.

.

Thrillerra | Drama

Juanek eta Gabrielak, unibertsitateko bikote gazte batek, uda lasaia eta perfektua igarotzeko asmoa dute familiak kostaldean duen txaletean. Baina haien planak hankaz gora jartzen dira Juanen aita, Fernando, bere bikotekide gazte berriarekin  ustekabean iristen denean.

Etxe berean elkarrekin bizitzera behartuta, aita-semearen arteko gatazkak eta aspaldiko zauriek tentsioa areagotzen dute.

.

.