Formålet med ordninga er å stimulere til eit mangfald av tekstbaserte nyheits- og aktualitetsmedium over heile landet, med eit breitt journalistisk innhald retta mot allmenta.

I år skal meir enn 456 millionar kroner fordelast, mot om lag 440 millionar kroner i fjor.

Søknadsfrist er 19. mars.

Nye søkarar må melde seg

Søkarar som ikkje har fått produksjonstilskott tidlegare blir bedne om å melde interessa si til  produksjonstilskudd@medietilsynet.no så fort som mogleg, og seinast innan 10. februar, slik at Medietilsynet kan starte arbeidet med å vurdere om mediet er kvalifisert for støtte.

Endeleg vedtak om produksjonstilskott blir offentleggjort i oktober.

Meir informasjon om tilskottet og lenke til søkarportalen Min side finn du her.

Fakta om produksjonstilskottet

• Årleg tilskottsramme for ordninga blir fastsett i samband med Stortingets behandling av statsbudsjettet. I 2026 er totalramma på 456,3 millionar kroner.
• Medietilsynet fordeler produksjonstilskottet.
• I fjor blei støtta fordelt på 163 aviser. Årets fordeling og talet på tilskottsmottakarar blir klart til hausten.
• Vilkåra for å få tilskott er beskrivne i Forskrift om produksjonstilskott til nyheits- og aktualitetsmedium.
• Tilskottet skal fremje uavhengig journalistikk karakterisert av høg kvalitet, særleg i nyheits- og aktualitetsmedium i marknader som er for små til å vere berekraftige eller som er alternativ til dei leiande nyheitsmedia i dei ulike mediemarknadene.
• Ordninga er plattformnøytral, og likestiller papir- og nettaviser.

  Abonner på nyheter (RSS)