Klima- og miljøminister Andreas Bjelland Eriksen baserer avgjerda om å halde fram med gruvedumping i Førdefjorden på feilinformasjon, hevdar seniorforskar Terje van der Meeren ved Havforskningsinstituttet overfor Filter Nyheter. Regjeringa lèt Nordic Mining dumpe avfall utover sommaren 2026, sjølv om Høyesterett i juni kjente driftstillatinga ugyldig. Departementet byggjer avgjerda på eit notat frå Miljødirektoratet som konkluderer med at vidare deponering i inntil eit år ikkje vil forringe miljøtilstanden.

Filter Nyheter har gått vurderinga etter i saumane og avdekka at direktoratet sitt arealregnestykke er henta direkte frå gruveselskapet sin eigen søknad. Notatet måler berre storleiken på sjølve avfallshaugen på fjordbotnen og tek ikkje høgd for kor langt partiklane faktisk spreier seg. Selskapet si eiga overvaking viser at havbotnen har skifta karakter fleire hundre meter unna utslippspunktet. Miljødirektoratet innrømmer overfor Filter Nyheter at spreiinga utanfor haugen førebels ikkje er vurdert, men notatet er likevel sendt inn som Norges hovudbevis til EFTA sitt overvakingsorgan (ESA) for at dumpinga er lovleg. Miljøministeren avviser kritikken og held fast på at det ikkje er feil i det faglige grunnlaget.