22/10/2026 Actualizado a las 17:23h.

Julen Alonso trikitilari oriotarrak eta Oinkari Dantza Taldeak 'Haria' ikuskizuna eskainiko dute ostiral arratsalde honetan Orion. Euskal musika eta dantza uztartzen ditun emanaldia Karela kiroldegian izango da, 19:00etan hasita.

'Haria' ikuskizuna Julen Alonso musikariak eta Villabonako Oinkari Dantza Taldeak sortu dute elkarlanean. Euskal tradizioa eta eguneroko bizitza ditu oinarri, emozio eta sentimendu ezberdinetatik bidaiatzen duen bitartean. Musikari oriotarra izango da protagonista, trikitixan, ahotsean eta pianoan, eta berarekin batera arituko dira taula gainean perkusioan Iker Telleria, baxuan Amaiur Cajaraville, gitarran Gorka Urra, panderoa eta ahotsean Uxue Kerejeta, teklatuan Beñat Armentia eta Oinkari Dantza Taldeko dantzariak.

Julen Alonso gaztetatik egon da trikitiaren munduari lotua. Urte luzez trikitixa txapelketatan parte hartu ondoren, bere musika garatzen hasi zen, hainbat lan eta ikuskizun eginez.

Ostiral arratsaldean zuzenenean entzuteko aukera, Orioko udalak Udazkeneko programazioaren barruan antolatutako ekitaldian. Sarrerak, Karelako leihatilan erosi daitezke, 10 eurotan.