21/10/2026 Actualizado a las 16:00h.

Alkate Txiki Eguna badator, urteroko legez, Tonpe Guraso Elkartea eta Lagunaken eskutik. Azken urteetan bi egunetara luzatzea erabaki zen eta bide berdinetik jarraituko du aurtengo egitarauak ere. Urriak 23, ostirala eta urriak 24 larunbata dira hautatutako datak.

Ostiralean arratsaldeko 18:30ean egingo diote Alkate Txiki Egunari. Udaletxeko batzar aretoan. Aginte makila Haritz Alberdiren eskutik jaso eta ondoren udalbatzarra egingo dute, gaztetxoenak egindako proposamenak ezagutu eta erantzunaz.

Ondoren, kiroldegiko estalpearen inaugurazioa egingo da, Pepita Enbil musika eskolako trikitilari eta Gure Txeruko dantzariekin batera. Jarraian, udaletxeko balkoitikpregoia, suziria eta buruhandiak trikitilariekin.

Larunbatean, Kulki jolasak Itsasoa, frontoian (euriarekin kiroldegian). Gero suziria eta buruhandiak Pepita Enbil musika eskolako trikitilariekin. 20:00etan, afaria Berdura Plazan (bakoitzak berea ekarri baher du). Bukatzeko Dj Osto 21:00etatik 23:00etara.