30. september 2026

Sjóðfélögum Starfsþróunarsjóðs Félags háskólakennara stendur nú til boða að sækja valin námskeið hjá Endurmenntun Háskóla Íslands þeim að kostnaðarlausu. Samstarfið miðar að því að styðja við símenntun og starfsþróun félagsfólks með fjölbreyttu úrvali námskeiða sem nýtast í starfi og efla faglega hæfni.

Þátttaka í námskeiðunum kemur ekki til frádráttar á styrkupphæð einstakra sjóðfélaga. Meðal námskeiða sem í boði eru má nefna námskeið um gervigreind, verkefnastjórnun, breytingastjórnun, samskipti á vinnustað og fleiri hagnýt viðfangsefni.

Nánari upplýsingar um námskeiðin og skráningu má finna á vef Félags háskólakennara.