Viðburðir

14. október 2026

Hversu greið er leið ungs háskólafólks frá námi til fjárhagslegs sjálfstæðis? BHM og Landssamtök íslenskra stúdenta (LÍS), standa fyrir hádegisfundi í Norræna húsinu 10. nóvember kl. 11:30–13:30 þar sem sjónum verður beint að samspili námslána, vinnu með námi, húsnæðisstöðu og sjálfstæðrar búsetu.

Fundurinn er framhald af umfangsmikilli könnun Félagsvísindastofnunar Háskóla Íslands á stöðu háskólamenntaðs fólks á húsnæðismarkaði. Að henni standa aðildarfélög BHM ásamt Félagi íslenskra hjúkrunarfræðinga, Lyfjafræðingafélagi Íslands, Læknafélagi Íslands og Verkfræðingafélagi Íslands.

Nú verður sjónum sérstaklega beint að ungu fólki á aldrinum 18-34 ára og leið þess frá námi til sjálfstæðis. Fjallað verður um veikleika námslánakerfisins, flókna stöðu fyrstu kaupenda á fasteignamarkaði og þær fjárhagslegu hindranir sem gera ungu fólki erfitt fyrir að koma sér upp eigin heimili.

Taktu þátt í mikilvægu samtali um námslán, húsnæði og leið ungs fólks til sjálfstæðis. Taktu daginn frá og skráðu þig á fundinn. Nánari dagskrá verður kynnt síðar.