Рӯзи 17-уми октябр дар Боғи ба номи Абулқосим Фирдавсии шаҳри Душанбе ҷашни Меҳргон ва намоиш-фурӯши маҳсулот ва техникаи кишоварзӣ таҷлил мешавад.

Дар ин рӯз, ҳамчунин, дар боғи мазкур чорабиниҳои “Иди тарбуз, харбуза, каду, себ ва ангур”, “Ҷашнвораи занбӯрпарварон, намоиш ва фурӯши асал” ва “Оши палав, намоиш ва фурӯши шолӣ ва биринҷ” доир мешаванд.

Дар ин бора аз Вазорати кишоварзии Тоҷикистон ба “Азия-Плюс” хабар доданд.

Аз вазорат гуфтанд, дар ин рӯз маҳсулоти кишоварзӣ бо нархи дастрас пешниҳоди сокинон мегардад.

Ҷашни Меҳргон дар Тоҷикистон аз соли 2009 инҷониб таҷлил мегардад. Меҳргон ҷашни тирамоҳӣ маҳсуб ёфта, ҳамчун рамзи сипосгузорӣ барои неъматҳои табиат ва заҳмати деҳқонон, эҳтиром ба ягонагии инсон ва табиат таҷлил карда мешавад.

Соли 2009 бо қарори ҳукумат, ҷашни Меҳргон ба рӯйхати идҳои расмӣ дохил карда шуд ва 4-уми декабри соли 2024 ин ҷашн ба рӯйхати мероси фарҳангии ғайримоддии ЮНЕСКО низ ворид шуд.

Соли гузашта ин ҷашни Меҳргон ва иди тарбузу харбуз ва кадуву оши палов, рӯзи 19-уми октябр дар Боғи ба номи Абулқосим Фирдавсӣ аҷлил гардида буд. Он чӣ гуна таҷлил шуд, дар суратгузорши мо бинед.