Дьон-сэргэ этэҥҥэ сылдьарын, чэгиэн буоларын туһугар үлэҕэ ураты сүүрээн салҕанар.

Өрөспүүбүлүкэтээҕи уопсастыбаннай доруобуйа уонна мэдиссиинэ профилактикатын киинэ Табаҕа сэлиэнньэтигэр баар оҕо ускуустубатын оскуолатын кытта бииргэ үлэлииргэ сөбүлэҥҥэ илии баттаатылар.

Ол курдук, ускуустуба оскуолатын преподавателлэрэ уонна үөрэнээччилэр киин пациеннарын уруһуйдуурга үөрэтиэхтэрэ. Кинилэргэ анаан маастар-кылаастары ыытыахтара. Онон манна дьон-сэргэ сынньанар сирэ уонна хостор эдэр худуоһунньуктар уруһуйдарынан киэркэйэ туруо. Өссө эрдэ иһитиннэрбиппит курдук, кииҥҥэ хайыы-үйэ арт-терапия, хомус тыаһынан чэбдигирии, санааны күүһүрдүү, ЛФК ситиһиилээхтик үлэлииллэр. Аны, кинилэр кэрэни көрөллөрүн сэргэ, уруһуйдуурга үөрэниэхтэрэ. Бу санааны сааһылыырга, уоскуйарга, толкуйдуур дьоҕуру күүһүрдэргэ көмөлөөх. Бу туһунан СӨ доруобуйа харыстабылын министиэристибэтин саайтыгар суруллар.

Сиһилии: https://minzdrav.sakha.gov.ru/news/64119