Zuzendaria: Mia Hansen-Løve

Urtea: 2021

Herrialdea: Frantzia

Iraupena: 112 min.

Generoa: Drama

XXI. mendeko frantziar zinemagintzako ahots azpimarragarrienetako bat den Mia Hansen-Løveren lan xamurra dakarkizuegu aste honetako Kutsidazu proposamenean: Bergman Island (2021).

Filmean, Ameriketako Estatu Batuetako zinemagile bikote batek -Anthony eta Chris (Tim Roth eta Vicky Krieps)- Ingmar Bergman zinemagile suediarra bizi izan zen uhartean hartuko du erretiroa, bere hurrengo filma idazteko inspirazio bila. Udak aurrera egin ahala eta uharteko paisaia misteriotsuekiko lilura areagotu ahala, errealitatearen eta fikzioaren arteko pertzepzioa desitxuratu egingo da haiengan…

#KRITIKA | Bergman Island: Mitomania eta fikzioaren katea

Zinema kritikan hazia, Hansen-Løveren lehen filmek lilura eragin zuten, istorio berez xeheak idatzi eta pantailaratzeko sentsibilitatea medio, garaiaren pultsua, horren etereo eta iheskorra den balore horren elementuak josteko gaitasuna adierazten baitzuen. Aldiz, Bergman Island-ek aldaketa dakar zuzendariaren ibilbidean, bere aurreko lanek zuten kutsu urbanoa erabat hautsiko baita: Fårö irla agertoki, ispiluen jokoa zabalduko da ‘errealitate’ eta fikzioaren artean, eta panpin errusiarren mekanismoaren bitartez, elkarri kateatuta jaiotzen diren narrazioak ehunduko ditu zinemagileak.

2021 | Cannesko Zinema Jaialdia: Sail Ofiziala

2021 | Sevillako Zinema jaialdia: Sail Ofiziala

2022 | Gaudi Sariak: Europako Film Onena