10/08/2026 Actualizado 11/08/2026 - 08:21h.

SKAPA 26a iragartzen duen suziria atzo arratsaldean bota zuten eta gaur ospatzen dute Santa Klara eguna auzoan. Atzo goizean Sagasti plaza puzgarriz bete zen eta haurrak bertan saltoka ibiltzeaz gain tailerretan parte hartzeko aukera izan zuten.

Arratsaldean hiru mailetan banatuta adinaren arabera, auzo krosak egin ziren. Jalgi dantza taldearen emanaldia ere, urteroko saioa izaten da eta gauean kontzertuen aurretik, txirrindularitza kriteriuma egin zen kadete eta jubeniletan.

Goizeko 9:00etan Goizeko Ihintza txitulariak alaituko dute ingurua. 11:00etan meza nagusia Frantziskotarren elizan eta bertan Schola Cantorum izango da kantuan elizkizuna laguntzen.

11:30ean marrazki festa auzoko haurrentzat Sagasti plazan. Eguerdiko 12:00etan auzoko jubilatuentzat 'hamabitakoa' Urpekoak Elkartean. 12:30ean hasiko da Azken Portuko txaranga kaleak alaitzen eta 17:00etan jolasak Komisiyua eta ex-Komisiyuaren artean.18:30ean parrilla-jana Sagasti plazan eta 19:00etan herri kirol jaialdia; Hodei Iruretagoiena, Iker Aduriz, Lierni Osa eta Naroa Arruti harrijasotzaileak eta Andoni eta Jakes Iruretagoiena aizkolariak. Gauean, kontzertuak; 23:15ean Sofa eta 00:45ean Bad Sound System.