Тимир көлөҕө уматык тиийбэт буоллаҕына, бензонасоска салгын киирэр. Бу мотуорга олус кутталлаах, тоҕо диэтэххэ тимир көлөнү алдьатыан сөп. Бу туһунан тэхиниичэскэй наука хандьыдаата, эспиэр Егор Васильев кэпсээтэ.

«Саамай сүрүнэ — бэнсиин  бензонасоһу сөрүүккэтэргэ уонна ардыгар оҕунуох быһыытынан туттуллар. Уматык отой аҕыйаатаҕына, бензонасос мээнэ үлэлээн, систиэмэҕэ салгыны үтэйэн барар. Оччоҕо тимир көлө үлэтэ кэһиллэр, оттон систиэмэҕэ салгын киирэр», – диэн Васильев «Радио 1» интервьютугар эттэ.

Эспиэр этэринэн, эргэ дизель массыыналаахтар ордук сэрэниэхтээхтэр. Итинник массыыналарга уматык систиэмэтигэр салгын олус түргэнник киирэр, оччоҕо үрдүк баттааһыннаах уматык насоһа үлэлиирэ букатын тохтуур. Ол түмүгэр массыына суолга тохтоон хаалыан сөп.

Ол эрээри, эспиэр этэринэн, карбюратордаах мотуордаах классическай массыыналарга насос алдьанар куттала суох. Арай уматыгы илиинэн хачайдаабакка эрэ, умуллубут мотуору кэлин собуоттуурга олус уустук буолуон сөп.

Уматык ороскуотун хайдах аччатыахха сөбүй?

«Мой Автопрокат» хампаанньа генеральнай дириэктэрэ Дмитрий Матвеев тимир көлөҕө уматык ороскуотун аччатар ньымалары кытта үллэһиннэ. Ол курдук, харыыта суох суол, көлөһөҕө нуорма иһинэн салгына, мотуор уонна салгын фильтрдарын ыраас буолуута уматык ороскуотун намтатар.

Матвеев этэринэн, бэнсиин ороскуотун үксүгэр бүөлэммит уматык фильтрдара, көлөһө салгына намыһаҕа уонна электропроводка итэҕэстэрэ биллэрдик үрдэтэр.