20.10.2026 йилдаги ЎРҚ-1183-сон Қонун билан айрим қонун ҳужжатларига тадбиркорлик субъектлари учун тартибга солиш юкини камайтиришга қаратилган ўзгартириш ва қўшимчалар киритилди.

Ҳужжат билан қонунчилик талабларини бузган хўжалик юритувчи субъектларга нисбатан ҳуқуқий чораларни қўллаш имкониятини, шунингдек бундай ҳуқуқбузарлик бартараф этилганидан кейин хўжалик фаолиятини тезда тиклаш имкониятини чеклайдиган айрим ортиқча маъмурий тартиб-таомиллар бартараф этилди.

Хусусан, Қонун Иқтисодий процессуал кодексга банклардаги ҳисобварақлар бўйича операцияларни тўхтатиб туриш тарзидаги ҳуқуқий таъсир чорасини қўллаш тўғрисидаги аризага илова қилинадиган ҳужжатлар сонига тааллуқли ўзгартиришлар киритади.

Бундан ташқари, Солиқ кодексига, агар хўжалик юритувчи субъект солиқ органининг унинг банклардаги ҳисобварақлари бўйича операцияларни тўхтатиб туриш тўғрисидаги қарорига нисбатан эътироз билдирса, ушбу ҳуқуқий таъсир чорасини қўллашнинг судда кўриб чиқилиши тартибини, шунингдек ушбу операцияларни тўхтатиб туриш учун асос бўлган ҳолатлар бартараф этилгач чиқарилган қарорни бекор қилишни назарда тутувчи ўзгартириш ва қўшимчалар киритилмоқда.

Қайд этилишича, Қонун банк ҳисобварақлари блокировка қилинган хўжалик юритувчи субъектларнинг имкониятларини чеклайдиган тартиб-таомилларни бартараф этишга, шунингдек хўжалик юритувчи субъектлар фаолиятининг барқарорлигини таъминлашга қаратилган.

Ҳужжат Қонун ҳужжатлари маълумотлари миллий базасида давлат тилида эълон қилинган ва 21.10.2026 йилдан кучга кирди. 

Лола Абдуазимова