Çima Herêma Kurdistanê Armanca Berdewam a Êrîşên Îranê ye?

Дата публикации: 17-08-2026 17:05:05

Êrîşa herî nû ya Îranê li ser Herêma Kurdistanê, ku îro roja Duşemê pêkhat ku nivîsgeha taybet a Serokwezîrê Herêma Kurdistana Îraqê Mesrûr Barzanî û cihê mayîna serokê dezgeha "Parastinê" kirin armanc reaksiyonên tund li pey xwe anîne.
Noredîn Weysî, Berpirsê Ofîsa Ragihandinê û Şêwirmendê Serokê Hikûmeta Herêma Kurdistanê, di daxuyaniyeke nivîskî de ji bo Dengê Amerîka, ev êrîş wekî êrîşeke xapînok û bêserûber binav kir û got ku ew êrîş nerewan e, û nayên qebûlkirin.
Li gor Weysî, heta îro, Herêma Kurdistanê bûye armanca bêhtrî hezar êrîşan ji derve û hundirê Îraqê.
Weysî di daxuyanîya taybet a ji bo Dengê Amerîkayê hêvî xwestin ku Hikûmeta Federal a Îraqê û civaka navneteweyî berpirsiyariyê bigirin ser milên xwe û bilez û biryardarî li hemberî van êrîşan tevbigerin.
Weysî dîyar kir ku Ewlehiya Herêma Kurdistanê beşeke ji ewlehiya Îraqê û tevahiya herêmê ye û her êrîşeke weha dê bibe sedema kûrtirbûna tengezariyê û bêaramîyê.
Pisporê ewlehî û stratejîk Ehmed Şerîfî, hişyarî dide ku rojên bê, dê şahidiya zêdetir êrîşan bikin, û rojên pêş dê pir dijwar bin, ji bo Îraqê û Îraqiyan.
Şerîfî got, ku “Êrîşeke pir dijwar heye li ser hemû kesên ku dibêjin Îraq hevalbendekî stratejîk ê Amerîkayê ye.
Wî got jî, Îran dixwaze Îraqê bike enî û hewşa xwe ya paşîn, da ku bi rêya hevalbendên xwe ajendayên xwe pêk bîne.
Ji aliyê xwe ve, şîrovekarê siyasî Dr. Îsam Feylî bawer dike ku ji derveyî tirsa ewlehîyê, "êrîşa Îranê li ser Herêma Kurdistanê peyameke siyasîye, ne tenê ji Herêma Kurdistanê re, lê ji hemû welatên herêmê re."
Feylî weha dibîne ew (Îran), "xwedî hêza herî mezinê li herêmê û ji tu girêbest û peymanên navbera xwe û wan welatan re pabend nîne, û ew dikare her tiştî bike bêyî ku astengî an rêgirîyek hebe."
Feylî got, ku Îran malbata Barzanî, û bi taybetî Serokwezîr Mesrûr Barzanî û Mesûd Barzanî, wekî dijberek taybet dibîne, ji ber ku ew xwe bi projeyên Îranê û siyaseta wê ya ku li herêmê dimeşîne ve, gir nadin."

Основное содержимое страницы с новостью.

Схожие новости

#	Наименование новости	Тональность	Информативность	Дата публикации
1	Mesrûr Barzanî Êrîşa Îranê ya Ser Ofîsa Wî Şermezar Kir	0	5.45	17-08-2026
2	Fûad Hûsên Derbarê Êrîşa Hewlêrê Helwesteke Fermî ji Îranê Dixwaze	0	5.18	17-08-2026
3	Civîna Hewlêr û Bexdayê Derbarê Opozîsyona Kurdî ya Îranê	0	4.23	15-08-2026
4	Donald Trump: Divê Îran Ala Sipî Hilde	0	6.22	17-08-2026
5	Îranê li Bajarê Kerecê Girtîyekî din Sêdare Kir	0	5.62	16-08-2026
6	کاردانەوەکان لەسەر هێرشەکەی سەر ئۆفیسی سەرۆکی حکومەتی هەرێم	0	6.94	19-08-2026
7	Fransa Îranê bi 'Xwînrijandinê' ji ber Cezayê Darvekirinê Tawanbar Dike	0	5.45	13-08-2026
8	Gotûbêjên Ser Zêdebûna Rêjeya Ereban li Herêma Kurdistanê	0	6.89	07-08-2026
9	Îran Têkilîya bi Medya Amerîkî û Îsraîlî re Wek Tawan Dibîne	0	5.04	16-08-2026
10	Axios: Barzanî Navbeynkarê Amerîka û Fermandarê Pasdarên Îranê Bûye	0	5.62	16-08-2026

Классификация: . Схожих патентов: 0. Схожих новостей: 10. Тональность: 0. Информативность: 5.78. Источник: www.dengeamerika.com.