Repatriatiya tedbirleri neticesinde Ukrayinağa 261 elâk olğan adamnıñ cesedi qaytarıldı, Rusiye tarafı aytqanı kibi, olar Ukrayin arbiy hızmetçilerine ait. Bu aqta Armannıñ 13-nde cenk esirleri ile munasebet meseleleri boyunca koordinasion ştabı bildirdi.

"Uquq qoruyıcı organlarınıñ tahqiqatçıları ekspertiza müessiseleriniñ vekilleri ile beraberlikte repatriasiya etilgen elâk olğanlarnıñ kimligini belgilemek içün bütün kerekli tedbirlerni keçirecekler", — denile beyanatta.

Rusiye Devlet dumasınıñ deputatı Şamsail Saraliyev bildirdi ki, o künü Ukrayina ve Rusiye arasında elâk olğanlarnıñ cesetleri deñiştirildi. Onıñ malümatına köre, Rusiye 261 cesetni tberdi, Ukrayina — 24.

Bundan evel Moskva ve Kıyiv elâk olğan arbiylerniñ cesetlerini Oraqnıñ 16-nda deñiştirgen ediler. O vaqıt Rusiye 501 cesetni berdi, Ukrayina — 31.