Haatik konpainiaren IOI ikuskizuna izan da gaurkoan Udazabal kultur egitasmoaren baitako mokadua. Zaldibarren aurkeztu dute dantzariek tradizioaren eta garaikidearen arteko elkarrizketa, 70eko hamarkadan Herri Gogoa disketxeak sustatutako kantuak oinarri hartuta, horietako asko Ez Dok Amairu taldearenak. 

Publikoak gogo onez hartu du proposamen bitxia. Urbanotik asko duten mugimenduak plazaratu dituzte, adibidez, Mikel Laboaren Lekeitioak entzuten ziren bitartean. Soinuaren eszenaratzea ere kuriosoa izan da. Bozgorailuz inguratutako egitura baten gainean zegoen musika-jartzailea, dantzariei erronkak botatzen, kantuak pasatzen eta nahasten zituela. 

Datorren martitzenean, hilak 28, jarriko dio ginga uztaileko Udazabal kultur-ekitaldi sortari Orain-Bi zirko eta antzerki konpainiak. Biterin emango du Mute lan artistikoaren berri, 19:30ean. 

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak