Nekatuta eta pozik aldi berean. Amaiur Feliu, Zaldi Zuriko arduradunak jaien balorazio ona egin du. “Jende asko hurbildu da. Lanez lepo ibili gara, baina oso pozik gaude. Festaren erdigunean gaude, baina oso giro atsegina eta lasaia dago beti Zaldi Zurian”.

Sanferminak igarota ez dute denbora gehiegi izango atseden hartzeko. Izan ere, uda guztian zehar antolatutako kontzertu zikloaren barruan, Las Jirafas taldearen emanaldia antolatu dute uztailaren 16rako.

Euskalerria Irratiko lan taldearen izenean eskerrak eman nahi dizkiogu Amaiurri eta Zaldi Zuriko langile guztiei, beste behin ere terrazan saioa zuzenean egiteko aukera emateagatik. Mila esker!