- Doarjja váikkuha sámi čállingiela ja sámi kultuvrra ovdanbuktimii. Earret eará lea dáin áviissain deaŧalaš rolla sámi gielaid bajásdoallamis ja ovddideamis, lohká Mediabearráigeahču direktevra Hanne Sekkelsten.

Doarjjaortnet lea aviissaide main lea sámi álbmot deháleamos ulbmiljoavkun, dahje aviissaide mat bissovaččat ja jeavddalaččat almmuhit sámegielat ođđasiid ja áigeguovdilis sisdoaluid. Ulbmilin lea láhčit dili demokráhtalaš digaštallamii, oaiviliid hábmemii ja giellaovddideapmái sámi servodagas.

Ođđa boahtti oažžu doarjaga sámi siidduide

Dat guokte beaiveaviissa Ávvir ja Ságat ožžot vástideaddjin 24.578.271 ruvnnu ja 18.031.329 ruvnnu buvttadandoarjagii. Ávvir almmuhuvvo davvisámegillii, Ságat fas dárogillii.

Dat golbma eará vuostáiváldi leat báikkálaš aviissat mat ožžot doarjaga sámegiel siidduide. Snåsningen oažžu 576.123 ruvnnu lullisámegiel lasáhussan, ja NordSalten Ávis fas 705.457 ruvnnu julevsámegiel lasáhussan. Meiråkerposten lea ođas dán doarjjakategoriijas. Sii ožžot vuosttaš geardde lagabui bealle miljovnna ruvnno, 493.820, doarjaga sámi siidduide.

- Go doarjjapotta lea seamma beroškeahttá ohcciidlogus, de ožžot dat guokte eará aviissa dán kategoriijas unnit dán jagi go maid maŋimuš jagiid leat ožžon, lohká Sekkelsten.

NordSalten Ávis lea ohcan sihke buvttadandoarjaga sámi aviissaide ja doarjaga julevsámegiel áviisasiidduide. Ávisa buvttadandoarjaga ohcan hilgojuvvo.

- Lea danin go Mediabearráigeahčču oaivvilda ahte aviissas sámi álbmot ii leat váldoulbmiljoavku. Nu go namuhuvvon, de oažžu áviisa doarjaga julevsámegiela álggaheapmái, dadjá Sekkelsten.

Ođđa njuolggadusat bohtet

Kultur- ja dásseárvodepartemeanta lea dál bargamin ođđa njuolggadusain sámi mediaid doarjaga birra. Evttohusas, mii leai gulaskuddamis dán geasi, lea rabas maiddái digitála mediaide oažžut doarjaga. Evttohuvvo maiddái ahte biddjojuvvojit ođđa eavttut dasa mo doarjagat galget rehkenastojuvvot.

  Abonner på nyheter (RSS)