Jende askorentzat ohiko bilakatu da arropa dagokion zaborrontzira botatzea hondatuta edo gehiago erabiltzeko asmorik ez dagoenean. 2015etik gainerako hondakinentzako ontzien ondoan daude halako aukerak. Orain europar ekimen bat iristear da: arropa birziklatzeagatik ordainsaria emanen duen ontzi adimenduna. TexMat izena jarri diote proposamenari eta helburu du ekonomia zirkularra sustatzea. Ehungintzaren sektorea iraultzea xede izanda, ontzi adimendu horiek gai izanen dira bizilagunek bertan arropa uztearekin batera haren egoera aztertu eta modu batean edo besteak sailkatzeko. Horren araberakoa izanen da pertsona horrek trukean jasoko duen saria. 

Ehungintzaren sektorea da kutsadura gehien sortzen duenetarikoa. Horri galga jartzea bilatzen ari dira TexMat proiektuaren bitartez. Egitasmoa hasi berria da funtzionatzen eta proba modura bi edukiontzi jarriko dituzte: Iruñerrian bata eta landa eremuan bestea. Finlandian du abiapuntua proiektuak.