Maitane Ormazabal psikologo, psikoterapeuta eta aholkulari psikoemozionalak pantailen eta teknologiaren inguruko hitzaldi- eta tailer-zikloak eskainiko ditu datozen egunetan, Zestoako Udalak antolatuta. Datorren astelehenetik, urriaren 26tik, aurrera izango dira saioak eta Aizarnan, Arroabean eta Zestoan emango dira.

Pantailen inguruko hitzaldi ziklo bigarren eta hirugarren zikloetako haurren gurasoei eta irakasleei zuzen duta daude. Datorren astelehenean, Aizarnako eskolan izango da lehen saioa, 16:30ean.

Asteartean, urriaren 27an, Arroabeko eskolan izango da Ormazabal aditua bertakoei pantailen inguruko arriskuez ohartarazten.17:00etan hasiko da saioa.

Azkenik, zikloaren azken hitzordua urriaren 28an izango da, asteazkenez, Zestoako eskolan. 17:00etan izango da.

Antolatzaileek aurreratu dutenez, bai Arroabeko eta baita Zestoako hitzaldietan, itzulpen zerbitzua eskainiko da.

Maitane Ormazabal Esnaola psikologo kliniko-sanitarioa eta psikoterapeuta da, nerabeen eta gazteen osasun emozionalean eta osasun digitalean espezializatua. Urteak daramatza gazteei eta familiei laguntzen, eta teknologia digitalen erabilerak osasun mentalean duen eragina aztertzen. Telmo Lazkanorekin batera, Nerabeen garrasia: osasun mentala aldaketa garaian liburua idatzi zuen 2023an.