Gizon eta emakumeei zuzendutako binakako esku pilota txapelketa azkarra antolatu du bigarren urtez jarraian Elosua auzoan, Elur Mendi Elkarteak. Pilota goxoarekin jokatuko dituzte partidak egun guztian zehar, eta 18 urtetik gorakoek eta federatu gabeek jokatu ahal izango dute. Antolatzaileek aurreratu dute gutxienez, lau bikotek eman beharko dutela izena. Sariak egongo dira irabazleendako eta txapeldunordeendako.

Urriaren 7rako eman beharko dute izena parte hartu nahi dutenek 695 72 55 96 (Julen) edo 690 74 01 60 (Eloy) telefono zenbakietan, eta bikoteko 10 euro ordaindu beharko da Bizum bidez, kontzeptuan izena jarrita. Antolatzaileek jakinarazi dute bazkaria ere egongo dela partaideendako nahiz parte hartzen ez dutenendako 10 euroren truke, eta horiek ere hilaren 7rako eman beharko dute izena.