28/07/2026 a las 10:28h.

Igandean 500 urte bete ziren Juan Sebastian Elkano getariarrak bere testamentua idatzi zuenetik eta bertan aipatzen zituen parrillak. Lehen aipamen idatzia aurkitu zela aitzakiatzat hartuta, oroitzapen-ekitaldi bat egin da itsas parrillari Bista Onan igande honetan. Haritz Alberdi alkateak eta Xabier Alberdi historialariak gidatu zuten ekitaldia, eta herriko jatetxe eta elkarte gastronomikoetako ordezkariek ere parte hartu zuten. Belaunaldi ezberdinetako herritarrek parrilla pizteaz gain, Getariako parrillaren identifikazio-plakak banatu ziren, artisau erara eginak, herriko elementu bereizgarri gisa parrillei bizirik eutsi dieten jatetxeak eta elkarte gastronomikoak balioan jartzeko. Parrillak, Getariako egungo paisaiako elementurik ikusgarrienetakoak, itsasoan du jatorria. Izan ere, iraganean, parrillak ontzitik ateratzen zituzten marinelek, itsasoan arraina erretzen zuten modua lehorrera ekarriz.

Ekitaldian zehar, ondorengo jatetxe eta elkarte gastronomikoetako kideek parte hartu zuten:

Politena: Xole Garmendia, Euskal Herriko lehen emakumezko parrilleroa

Astillero: Gorka Lazkano

Balearri: Jon Irigoien

Elkano: Axier Ezenarro

Iribar: Manu Zulaika eta Pili Iribar

Itxas-Etxe

Kaia Kaipe: Peio Arruabarrena eta Joel Muller

Mayflower: Asier Antomas

Txoko: Manu Doñelfa

Elkano Kultur Elkartea: Pello Isasti

San Martin elkartea: Mariano Maltas

Txori-Tonpe Atseden Elkartea: Iñaki Bikuña

Mariñelak: Elena Larrañaga eta Eneritz Manterola

Ixkote: Marcos Aizpuru

Jubilatuak

Artelatz

Gainera, hurrengo pertsonek ere parrillaren inguruan egindako lanagatik ere euren aitortza jaso zuten:

Jose Antonio Ostolaza parrillagileak

Xabier Aldalur itsas sukaldaritzako eta parrillako irakasle eta ikertzaileak

Peio Iribar arrantzale eta bildumagileak

Jon Azkue parrillagileak