15/09/2026 a las 15:07h.

Getariako Liburutegia berritu ondoren, bertako bilduma aztertzen eta berrantolatzen ari dira. Prozesu horren harira, ikuspegi eurozentrikotik kanpoko kontakizunei eta ahotsei apaletan lekua egitea aberasgarria izango dela ondorioztatu dute. Horren adibide da Eduardo Galeanoren Latinoamerikaren zain urratuak lana euskarazko bildumara gehitzea.

Liburuaren euskarazko itzulpena aurkezteko, Iñaki Alegria eta Mikel Zinkunegi izango dira Getariako Liburutegian urriaren 8an, ostegunean, 18:00etan. Alegria da lanaren euskarazko itzultzailea, eta aurkezpenean Galeanoren obra eta euskarazko edizioa izango dituzte hizpide.

Ekitaldia euskaraz egingo da. Gaztelaniarako itzulpena behar dutenek liburutegiarekin jarri beharko dute harremanetan urriaren 1a baino lehen.