29/09/2026 a las 13:07h.

Gaztetape hondartzak beste urte batez hartuko du Surf Txapelketa Herrikoia, urriaren 3an, datorren larunbatean. Urtez urte errepikatzen den hitzorduak surfaren zaleak bilduko ditu, eta kirolaz haratago, egun osoko egitaraua prestatu dute Gaztetape Surf Klubeko kideek.

Txapelketan hainbat modalitate eta kategoria izango dira: Surf Txiki, Body Txiki, Open Surf, Open Body, Open Neskak, Master Surf eta Longboard. Parte-hartzaileek bi kategoria aukeratu ahal izango dituzte, 10 euroko inskripzioaren truke.

Jardunaldia goizean hasiko da, txandetan, eta ondoren paella jana egingo dute. Arratsaldean, txapelketako finalak jokatuko dira, eta iluntzean sari-banaketa eta mokadutxoa izango dira. Izen-ematea asteazken bitartean egin ahal izango da. Horretarako, 627013066 zenbakira WhatsApp mezua bidali behar da, parte hartuko den kategoriak adierazita.

Gaztetape Surf Klubak herritarrak eta surf zaleak animatu nahi ditu beste behin hitzordu honetan parte hartzera eta Gaztetape hondartzan izango den egunaz gozatzera.