24/09/2026 a las 21:22h.

Getaitri Getariako triatloi taldeak 2027ko denboraldiari begira taldean izena emateko epea zabaldu du. Interesa duten triatletak azaroaren 22ra arte izango dute izena emateko aukera.

Horretarako, getaitri@gmail.com helbidera mezu bat bidali beharko dute, honako datu hauek adierazita: izen-abizenak, NAN zenbakia, telefono zenbakia, kontu korrontearen zenbakia eta federatu edo Getaitri lagun izango den.

Getri Klubak, informazio-batzarra egingo du izena emateko epea amaitu aurretik. Oraindik ez dute zehaztu bileraren data, ordua eta lekua, baina batzarra baino astebete lehenago jakitera emango dute.

Denboraldi honetan ere Saltaka ekimenarekin jarraituko du Getaitrik. Lehen saioa urriaren 3an egingo dute, eta korrika hasi berriak diren nahiz korrika egiten hasi nahi dutenek taldean entrenatzeko aukera izango dute.

Gainera, saioek denboraldi hasierako helburu bat izango dute: Zarauzko Kros Mistoa prestatzea. Horrela, korrika egitera hurbildu nahi dutenek taldean entrenatu eta lasterketa hori prestatzeko aukera izango dute.

Zalantzarik edo informazio gehiago jasotzeko interesik izanez gero, Getaitrirekin harremanetan jar daiteke getaitri@gmail.com helbidean.