https://sputniknews.uz/20260924/biznes-imtiyozlar-andijon-rejalar-60707074.html

Мирзиёев бизнес учун янги имтиёзлар ва Андижон бўйича режаларни маълум қилди

Мирзиёев бизнес учун янги имтиёзлар ва Андижон бўйича режаларни маълум қилди

Sputnik Ўзбекистон

Шавкат Мирзиёев Андижон бўйича янги вазифаларни белгилади: йирик иш берувчиларга имтиёзлар, бизнес учун енгил кредитлар, муҳандислик таълими, микро ГЭСлар, Бобур шаҳри, сув таъминоти ва хотин-қизлар бандлиги режалари.

2026-09-24T14:42+0500

2026-09-24T14:42+0500

2026-09-24T14:42+0500

шавкат мирзиёев

андижон вилояти

жамият

кредит

имтиёз

транспорт

уй-жой коммунал хизмати

инвестиция

иқтисод

https://cdn1.img.sputniknews.uz/img/07ea/09/18/60706190_114:481:2292:1706_1920x0_80_0_0_b7e727d198a45d3f3024074ae2e2b07d.jpg

ТОШКЕНТ, 24 сен — Sputnik. Президент Шавкат Мирзиёев раислигида Андижон вилоятини ривожлантириш масалалари бўйича йиғилиш давом этмоқда.Кўп иш ўрни яратаётган саноат корхоналари учун янги рағбатлантириш чоралари белгиланди. Камида 1 минг нафар ходими бўлган корхоналарда ишчиларни ўқитиш, малакасини ошириш ва транспорт харажатларининг 50 фоизи компенсация қилинади.Бизнесни кредитлаш тартибини ўзгартириш ҳам белгиланди. 500 миллион сўмгача бўлган лойиҳаларда бизнес-режа талаб этилмайди, кредитлар гаровга эмас, пул оқимига қараб ажратилади. Кичик тадбиркорнинг йирик буюртмачи билан узоқ муддатли шартномаси кредит таъминоти сифатида қабул қилиниши, экспортбоп маҳсулот учун хомашё хариди кредитларида эса суғурта полиси гаров ўрнини босиши мумкин. Тўққизта давлат банкига 20 та янги банк маҳсулотини таклиф қилиш вазифаси қўйилди.Андижонни Фарғона водийсининг муҳандислик кадрлари марказига айлантириш режалаштирилди. Олийгоҳ ва техникумларнинг амалий кафедраларини саноат зоналари ва йирик корхоналарга яқинлаштириш, йил якунигача дуал таълимни камида 80 фоизга етказиш топширилди. Андижон техника институти трансформация қилиниб, хорижлик мутахассислар жалб этилади ва дизайнерлик факультети очилади. Бунинг учун 25 миллиард сўм ажратилади.Саноат ўсиши билан энергияга талабни қоплаш учун микро ва кичик ГЭСларни кўпайтириш режалаштирилган. Микро ГЭСларни тайёр ҳолда қуриб, тадбиркорларга лизингга бериш ва бетонлаштириладиган каналларда ГЭСлар каскадини ташкил этиш вазифаси қўйилди.Андижондаги 30 та маъмурий бино Бобур шаҳрига кўчирилиб, бизнес учун 13 гектар ер ва 70 минг квадрат метр жой бўшатилади. Бу майдонларда 1 миллиард доллар инвестиция жалб қилиш ва камида 20 минг иш ўрни яратиш имконияти бор. Бобур шаҳрида 200 минг кишига мўлжалланган 800 та кўп қаватли уй қурилиши бошланган. Савдо, бизнес, меҳмонхона, хусусий таълим, тиббиёт ва спорт объектларини қуриш учун ҳам алоҳида шароитлар яратилади.Ичимлик сув таъминоти бўйича келгуси йилдан Хонобод — Андижон магистраль қувурининг иккинчи тармоғи қурилиши бошланади. Лойиҳа 1 миллион аҳолининг сув таъминотини яхшилашга қаратилган.Хотин-қизлар бандлигини ошириш учун Андижонда алоҳида жамғарма ташкил этилиб, унга 20 миллион доллар ажратилади. Шунингдек, янги оилавий боғчалар очиш орқали бола парвариши билан банд аёлларнинг меҳнат бозорига қайтишига шароит яратиш режалаштирилди.Камералар маълумотлари сунъий интеллект орқали таҳлил қилиниб, ҳуқуқбузарлик ва ЙТҲларнинг олдини олиш чоралари ишлаб чиқилади. Йил охиригача бу тажрибани бошқа ҳудудларда ҳам жорий этиш топширилди.

https://sputniknews.uz/20260924/andijon-yangi-rejalar-60704080.html

андижон вилояти

2026

Янгиликлар

uz_UZ

https://cdn1.img.sputniknews.uz/img/07ea/09/18/60706190_125:233:2089:1706_1920x0_80_0_0_17aae774b079efc707c3ca7fba6eb3ed.jpg

шавкат мирзиёев, андижон вилояти, жамият, кредит, имтиёз, транспорт, уй-жой коммунал хизмати, инвестиция, иқтисод

Президент Андижон вилоятини ривожлантириш бўйича бизнес, саноат, таълим, энергетика, уй-жой ва хотин-қизлар бандлигига доир янги вазифаларни белгилади.