Хүндүлүг чонувус! Ада-чуртун камгалаар дээш, чуртта болуп турар тускайлаттынган шериг ...

Дата публикации: 28-07-2026 10:39:18

Хүндүлүг чонувус!
Ада-чуртун камгалаар дээш, чуртта болуп турар тускайлаттынган шериг операциязынга киржип, ДНР девискээринде 71443 дугаарлыг шериг кезээнге мерген адыгжы бооп, тура-соруктуг, эрес-дидим чоруу-биле дайынчы даалгазын күүседип тургаш, Эрзин кожууннуң Мөрен сумузунуң база бир төлептиг оглу, авазының ынак оглу, акыларының орлан-шоваа хеймереги, чаңгыс кыс дуңмазының идегелдиг чөленгиижи, чээннериниң эргим даайы, хөй санныг төрелдериниң дузааргак акызы, дуңмазы, эш-өөрүнүң оюн-баштак, биче сеткилдиг, топтуг-томаанныг эжи Каң-Хөө Мөңге Константинович бо чылдың апрель 3-те чырык өртемчейден, бистиң аравыстан, хып дээн чалыы назынындан чарлып чорутканын, ырак-чоок төрелдеривиске, ойнап өскен эш-өөрүнге, аймак-төрел чонувуска ханы кажыыдал-биле дыңнадып тур бис.
Каң-Хөө Мөңге Константинович 1989 чылда 4 ажы-төлдүг ажылчын өг-бүлеге 3 дугаар эрге-чассыг оглу бооп төрүттүнген. Ол Мөрен ортумак школазынче 1996 чылда өөренип киргеш, 2007 чылда чедиишкинниг дооскан. Школачы чылдарында волейбол, баскетбол, футболдуң тергиин эки ойнакчызы бооп, спортчу хемчеглерге удаа-дараа киржип, кашпагайын бадыткап чораан.
2008 чылда Комсомольск-на-Амуре хоорайда 20117 дугаарлыг космос биле чурттуң аразында харылзааны харыылап турар шериг кезээнге албан хүлээлгезин эрттиргеш, 2009 чылда төрээн чурттунче чанып келген. Ол-ла чылын Тываның политехниктиг техникумунуң «Электроэнергия» салбырынче өөренип киргеш, электрик мергежилин чедип алган. Эртеминиң аайы-биле ажылдаваан-даа бол, тудуг талазы-биле билиглерин сайзырадып, улуг сонуургалдыг ажылдап, эш-өөрүнүң, чонунуң хүндүткелин чаалап алган.
Ол ачазының ус-шеверин, авазының ажылгыр-кежээзин дөзеп, хөй чылдар ишти бажыңнар, тудуглар тудуп, бажыңнарга евроремонт кылып, «алдын холдуг» деп эштеринге, чонунга мактадып чораан.
Амыр-тайбың чуртталга дээш, амы-тынын харам чокка берген Маадырывыстың хүлүмзүрээн арын-шырайы, чырык овур-хевири, маадырлыг чоруу кезээ мөңгеде бистиң чүректеривиске артар!
Сөөлгү оруунче үндүрер хүнү:
Ыраккы Каа-Хем, Миичурина кудумчузу, 33 дугаар бажын.
Ундурер хуну:
Июль 29, среда (эртен), 9 - 10 шак аразында.
Харылзажыр дугаарлар:
89133537870 – Чечек-Делгер Даалыновна (авазы);
89059202229 – Надежда Константиновна (дуңмазы).

Схожие новости

#	Наименование новости	Тональность	Информативность	Дата публикации
1	90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ...	-3	4	08-07-2026
2	90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ...	-5	3	08-07-2026
3	Тыа хаһаайыстыбатын эйгэтигэр эппиэттээх күннэр	0	5	12-07-2026
4	Приём-приём! 🚀 С Днём рождения, земляне! ТРЦ Galaxy от всего ...	7	3	03-07-2026
5	Приём-приём! 🚀 С Днём рождения, земляне! ТРЦ Galaxy от всего ...	7	3	30-06-2026
6	#әдәбимарафон2026 #РәҗәпБәдретдин #ТоманТозагында #ТатарстанЯзучыларБерлеге #ТатнетныҮстерүФонды #Казанутлары нче көн үзләренә өстәмә ...	0	3	05-07-2026
7	проза Станислава Подольского	0	5.02	28-07-2026
8	Биография ДУБРОВА Петра Валерьевича 566-й космонавт мира, 125-й космонавт СССР/России ...	0	7	14-07-2026
9	Космический привет из Орлика! Сегодня мы с особой гордостью вспоминаем ...	0	10.61	27-07-2026

Классификация: Арктика. Схожих патентов: 0. Схожих новостей: 9. Тональность: 0. Информативность: 18.98. Источник: vk.com.