Просмотр новости
Найдите то, что Вас интересует
Спутники
РН
SpaceX
Роскосмос
NASA
СпутникиРНSpaceXРоскосмосNASABep dibenn-sizhun an hañv-mañ vez skignet ganeomp un heuliadenn diwar-benn an dour e Breizh : a-hed an dour, eus ar glav d'ar mor. Hiziv vo lakaet ar gaoz war ar Poulloù Dueg, un taouarc'heg a Sant-Riwal.
Diffusé le dimanche 12 juillet 2026 à 7:32
Publié le dimanche 12 juillet 2026 à 7:32
Bep dibenn-sizhun an hañv-mañ vez skignet ganeomp un heuliadenn diwar-benn an dour e Breizh : a-hed an dour, eus ar glav d'ar mor. Hiziv vo lakaet ar gaoz war ar Poulloù Dueg, un taouarc'heg a Sant-Riwal.
N'eo ket aes mont a-dreuz ar Poulloù Dueg, a zo nepell diouzh Sant-Riwoal. Meur a wech oa darbet din laoskel ma boutoù kaoutchouc war ma lec'h. Met an dra-se ne c'hoarvez ket da gKatell Guillou 'vat, ken boazet eo plac'h Park an Arovig da zont amañ da ziskouezh da vugale Sant Riwal pinvidigezh an taouaregh-se. Ar plant da skouer : "Amañ vez kavet balan-brug, flac'h, brug-kroaz..."
Ha dindan ar plant-se n'eus tamm douar ebet... plant kozh ne lavaran ket. "En taouaregh vez kavet dour a-hed ar bloaz. Dre-se ez a da vreinañ goustadig ar plant. Ha setu e teu da vezañ taouar, ur seurt douar du-tre. Amañ ez eus ur metrad taouar dindan hor zreid, pezh a dalv tro dro 1000 bloaz a blant breinet chomet amañ en taouaregh", emezi.
War gorre an taouaregeh-se 'vez kavet ur plant na vez ket kavet e lec'hioù all e Frañs a bezh : ar man taouar. Ha Katell Guilloù da gont hiroc'h diwar e benn : "Ar man taouar a c'hell mirout an dour tregont gwech muioc'h eget e bouezh sec'h".
Mod-se 'vez miret an dour amañ pe laoskel anezhi da vont kuit, diouzh an amzer. "An taouar a c'hell derc'hel an dour a-raok ma yafe an dour d'an draonienn, d'ar stêrioù. Sikour a ra un tammig evit nompas kaout dourioù beuz e-pad ar goañv. Ha pa vez sec'h an amzer e c'hell reiñ dour d'ar stêrioù. Ur seurt spoue eo."
Tous les samedis, recevez la newsletter en langue bretonne d’ICI, proposée par l’équipe de ICI Breizh Izel
Adresse e-mail (obligatoire)
Exemple : nom@email.com
En cliquant sur “s’abonner”, j’accepte que Radio France puisse m’adresser des emails (en fonction de mes abonnements) ainsi que suivre les ouvertures des messages à des fins de personnalisation des services, étant informé(e) que je peux refuser ce suivi à tout moment via un lien dans chaque message reçu. Le cas échéant, les choix déjà enregistrés par Radio France continueront de s’appliquer.
Setu rann gentañ hor heuliadenn diwar-benn an dour e Breizh. Hag evit kregiñ ganti ez omp da welet e peseurt mod e teu an dour amañ. Penaos e kouez ar glav b'ar vro ha da belec'h ez a an dour-se warlerc'h?
Keleier : Ar reportaj
Keleier : Ar reportaj
E kreiz koulzad an douristelezh emaomp. Bez ez eus ur bern touristed er vro er mare-mañ. War an aod evel just, met war ar maez ivez, evel e Menez Are. An ekomirdi a zegemer kalzig a dud.
E brezhoneg - La peau des Bretons est particulièrement sensible aux rayons du soleil
Daoust m'emaomp sachet da vont d'ober kof rouz war an aod pe war ar maez e ranker diwall mat. Dañjerus-tre e c'hell bezañ skeudoù an heol evit ar mare. E Breizh ez eus muioc'h a grign-bev ar c'hroc'henn eget e lec'hioù-all e bro Frañs.
E brezhoneg - les nombreuses associations de Plouguerneau se rejoignent au forum
Poent eo dibab peseurt dudi pe sport ober e-pad ar bloavezh-skol. En dibenn-sizhun-man e vez aozet "forom ar c'hevredigezhioù" e-barzh meur a gumun, evel e Plougerne.
Nebeutoc'h a 20.000 bugel 'zo skoliatet e brezhoneg er bloavezh skol 2025-2026 : 300 nebeutoc'h eget warlene, hervez sifroù emañ Ofis publik ar brezhoneg o paouez embann. Ar wech kentañ eo e tigresk dre vras an niver a skolidi a skolioù divyezhek pe dre soubidigezh dibaoe ar bloavezhioù 70.