Voss fallskjermklubb har einstemmig vedteke å vidareføre drifta på Bømoen. Det skjer på sjølve datoen der dei sjølve meiner festeavtalen går ut, og trass i at dei nyleg tapte i tingretten. Det melder avisa Hordaland.

I ei pressemelding laurdag kveld slår klubben fast at fallskjermhoppinga og drifta av anlegget held fram som normalt. Grunnen er at klubben har anka tingrettsdommen – som påla dei å fråvike området – til Gulating lagmannsrett. Sidan dommen ikkje er rettskraftig, og det samstundes føregår ein offentleg prosess der Voss herad har vedteke oreigning av eigedomen, meiner styret det er rett å halde fram.

Grunneigar Bømoen AS fekk medhald i tingretten om at avtalen gjekk ut for to år sidan. Styreleiar Olav Lægreid i Bømoen AS ynskjer førebels ikkje å kommentere pressemeldinga frå fallskjermklubben.