https://sputnik-georgia.com/20261020/rusetshi-axalgazrdobis-pestivali-gaimarta-301286140.html

„არ გვინდოდა დამშვიდობება“: რამ გააერთიანა ახალგაზრდობის ფესტივალის მონაწილეები

„არ გვინდოდა დამშვიდობება“: რამ გააერთიანა ახალგაზრდობის ფესტივალის მონაწილეები

Sputnik საქართველო

საქართველოდან ჩასულმა დელეგატებმა საერთაშორისო მეგობრობის კლუბის შექმნა გადაწყვიტეს და სხვადასხვა ქვეყნიდან ჩასულ ახალ მეგობრებთან ერთად ერთობლივ პროექტებს... 20.10.2026-ს, Sputnik საქართველო

2026-10-20T13:15+0400

2026-10-20T13:15+0400

2026-10-22T11:26+0400

საქართველო

ქართულ–რუსული ურთიერთობები

რუსეთი

საზოგადოება

ახალი ამბები

https://cdnn1.img.sputnik-georgia.com/img/07ea/0a/14/301241678_0:120:1280:840_1920x0_80_0_0_7737f1c19bcb23489d55d3e3524a6a4d.jpg

თბილისი, 20 ოქტომბერი — Sputnik. ეკატერინბურგში ახალგაზრდობის საერთაშორისო ფესტივალის დასრულებიდან ზუსტად ერთი თვის შემდეგ, საქართველოს სხვადასხვა ქალაქიდან ჩასული მონაწილეები თბილისში შეხვდნენ ერთმანეთს, რომ შთაბეჭდილებები გაეზიარებინათ და თანამშრომლობის გეგმები განეხილათ.2026 წლის ახალგაზრდობის საერთაშორისო ფესტივალზე დაწყებული ნაცნობობა მეგობრობაში გადაიზარდა. ძლიერმა ემოციებმა და სადღესასწაულო ატმოსფერომ სხვადასხვა კონტინენტიდან ჩამოსული ახალგაზრდები დააახლოვა. მიუხედავად მანძილისა, ქართველი დელეგატები ახალ მეგობრებთან ურთიერთობას აგრძელებენ და უკვე კულტურულ და გაცვლით პროექტებს ამზადებენ.ერთ-ერთი ინიციატივა საერთაშორისო მეგობრობის კლუბი გახდა, რომელიც სხვადასხვა ქვეყნის ახალგაზრდებს გამოცდილების გაზიარებისა და საკუთარი იდეების ერთობლივად განხორციელების შესაძლებლობას მისცემს.დაგეგმილია ასევე ბელარუსი მოსწავლეების ვიზიტი. ისინი ზრუნავენ ძმათა სასაფლაოზე, სადაც სამშობლოდან შორს ქართველი პოეტი მირზა გელოვანი განისვენებს. ვიტებსკის ოლქში მოქმედებს მისი სახელობის სკოლა. პოეტის ხსოვნისადმი მიძღვნილი საღამო მარნეულშიც გაიმართება.საქართველოს დელეგაციის წევრები ზოგიერთ მონაწილეს ჯერ კიდევ 2024 წლის ახალგაზრდობის მსოფლიო ფესტივალზე შეხვდნენ, სხვებს კი ეკატერინბურგში დაუმეგობრდნენ.საერთო ტრადიციები და ახალი პროექტებინინოწმინდის საჯარო სკოლის პედაგოგმა კარინე არაქელიანმა Sputnik საქართველოს განუცხადა, რომ რუსეთისა და სხვა ქვეყნების მონაწილეებთან ერთობლივი პროექტების შექმნას გეგმავს.„ახალგაზრდობის საერთაშორისო ფესტივალი ჩემთვის მართლაც მასშტაბური და მნიშვნელოვანი მოვლენა იყო. ფესტივალზე მსოფლიოს სხვადასხვა ქვეყნიდან და რუსეთის მრავალი რეგიონიდან ჩამოსული ახალგაზრდები გავიცანი. განსაკუთრებით დიდი შთაბეჭდილება მოახდინა ჩემზე ინგუშეთის, ჩეჩნეთისა და დაღესტნის ახალგაზრდებთან ურთიერთობამ. ბევრი საერთო აღმოგვაჩნდა, რადგან ჩვენი ტრადიციები და ცხოვრებისეული ღირებულებები ბევრ რამეში ერთმანეთს ძალიან ჰგავს “, — გვიამბო კარინემ.მან რამდენიმე ინტერაქტიული სივრცე მოინახულა. მასზე განსაკუთრებით დიდი შთაბეჭდილება მოახდინა ეროვნულ ცენტრ „რუსეთში“ განთავსებულმა სივრცემ „კულტურული კოდი“ და ავტონომიური არაკომერციული ორგანიზაცია „ევრაზიის“ საერთაშორისო სივრცემ, რომელმაც 120-ზე მეტი ქვეყნის ათასობით მონაწილე გააერთიანა ღია კულტურათაშორისი დიალოგისთვის.„ჩემთვის ეს ძალიან მნიშვნელოვანი და ახლობელი იყო, რადგან საქართველოში ავტონომიური არაკომერციული ორგანიზაცია „ევრაზიის“ რუსული ენის ელჩ-მენტორი ვარ. ბევრი ახალი რამ აღმოვაჩინე, კოლეგებსა და თანამოაზრეებს იდეები გავუზიარე. შევთანხმდით, რომ ვითანამშრომლებთ, ერთობლივ პროექტებს შევქმნით და ჩვენს სახელმწიფოებს შორის ახალ კულტურულ ხიდებს ავაშენებთ“, — აღნიშნა კარინემ.„ეს ჩემი პირველი გამოცდილება იყო საზღვარგარეთ“სკოლის მოსწავლე გუჯა ტვალაბეიშვილისთვის ეკატერინბურგში გამგზავრება, საზღვარგარეთ პირველი მოგზაურობა აღმოჩნდა. ის ფესტივალის ბავშვთა პროგრამაში მონაწილეობდა, რომელმაც 100-ზე მეტი ქვეყნის 1 000 ახალგაზრდა გააერთიანა, მათ შორის მოზარდები საქართველოდანაც.„ეს ჩემი პირველი გამოცდილება იყო საზღვარგარეთ გამგზავრების, თუმცა საქართველოში ბევრ ფესტივალში მიმიღია მონაწილეობა. ეკატერინბურგის ფესტივალი დადებითი განწყობით დამამახსოვრდა: ყველა — ორგანიზატორებიც და მონაწილეებიც — პოზიტივით იყო აღსავსე და ეს, რა თქმა უნდა, მეც გადმომედო. ბევრი ახალი რამ გავიგე და სხვებსაც გავუზიარე ჩემი ცოდნა. სხვადასხვა ქვეყნის ბევრ ადამიანს გავეცანი, რომლებთანაც დღემდე ვურთიერთობ, განსაკუთრებით კი ჩემი რაზმის წევრებთან“, — გვიამბო გუჯამ.მისი თქმით, ახალ მეგობრებთან განშორება ყველას უმძიმდა. ბოლო შეხვედრისას თითქმის ყველა ტიროდა, არავის უნდოდა დამშვიდობება.პროგრამა საკმაოდ დატვირთული იყო. ახალგაზრდებს ოლიმპიურ და მსოფლიო ჩემპიონებთან ჰქონდათ საუბრები, ესწრებოდნენ საგანმანათლებლო ლექციებს, სემინარებსა და ტექნოლოგიური ბაზრის ლიდერების მასტერკლასებს.მონაწილეები ასევე ესწრებოდნენ კონცერტებს, ექსკურსიების დროს გაეცნენ სვერდლოვსკის ოლქის ბუნებას და მოინახულეს რეგიონის უდიდესი სამრეწველო, ტურისტული, სამეცნიერო და სპორტული ობიექტები.ბავშვთა პროგრამის ერთ-ერთი ღონისძიება იყო შოუ „მხოლოდ რუსეთში. პირველთა მოძრაობა“, რომელშიც ქვეყნის ისტორია მუსიკალური კომპოზიციების საშუალებით წარმოადგინეს. სცენაზე გამოვიდნენ მუსიკოსი, დიჯეი და „გაცოცხლებული“ გენიოსები — ალექსანდრე პუშკინი, პეტრე ჩაიკოვსკი, ივან აივაზოვსკი, კონსტანტინ სტანისლავსკი და ანტონ ჩეხოვი. წარმოდგენა მოგვითხრობდა რუსი შემოქმედების გავლენაზე მსოფლიო კულტურაზე.ახლა გუჯას იმედი აქვს, რომ ახალ მეგობრებთან ერთად „კიდევ ერთხელ შეხვდება ერთმანეთს მსგავს პროექტზე ან სხვა ფორმატში“.

საქართველო

2026

ახალი ამბები

ka_KA

https://cdnn1.img.sputnik-georgia.com/img/07ea/0a/14/301241678_0:0:1280:960_1920x0_80_0_0_13acd4b3dccd4ceb495b7394c7b51d41.jpg

საქართველო, ქართულ–რუსული ურთიერთობები, რუსეთი, საზოგადოება, ახალი ამბები

საქართველოდან ჩასულმა დელეგატებმა საერთაშორისო მეგობრობის კლუბის შექმნა გადაწყვიტეს და სხვადასხვა ქვეყნიდან ჩასულ ახალ მეგობრებთან ერთად ერთობლივ პროექტებს ამზადებენ