ARTko senior mutilen taldeak ezin hobeto hasi du 2026-2027ko denboraldia. Oraingoz, Euskal Ligan jokatutako bi partiduak irabazi dituzte Julen Barrutiaren mutilek, eta erritmo horrekin jarraitzeko norgehiagoka erabakigarria izango dute bihar arratsaldean (16:00etan) Mojategin.

Sailkapeneko goiko postuetan jarraitzeko partidua izango da bi taldeentzat. Izan ere, hirugarren postuan dago Arrasateko taldea, zortzi punturekin, eta, hain zuzen, bigarren postuan –hamar punturekin– sailkatuta dagoen Uni Bilbao Rugby taldea izango dute zuri-moreek aurkari. Azken hiru denboraldietan Euskal Ligako finala jokatu du Bilboko taldeak, eta 2024an irabazi egin zuen. Hala ere, Barrutiaren mutilek badakite zer den Bilboko taldea etxean menderatzea, eta, Euskal Ligako lehen postuetan jarraitzeko lehia horretan, "porrotik jaso gabe" jarraitu nahi dute denboraldi hasieran.

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak