Aurten Atxorrotxeko eguna maiatzaren 3an izango da eta iaz bezala, bertan jartzen den taberna kudeatzeko deia egiten du Udalak. Ustiapena Eskoriatzako kultura edo kirol erakunde, herri-elkarte eta irabazi asmorik gabeko ongintza-elkarteek egin ahal izango dute eta lehentasuna izango dute kultura, kirola, hezkuntza, irakaskuntza edo ongintza helburuak dituzten elkarteek.

Interesa dutenek eskaera telematikoa aurkeztu beharko dute Udalean martxoaren 31a baino lehen. Eskaera orrian tabernarekin lor daitezkeen diru-sarrerei eman nahi zaien erabilera adierazi beharko da. Egoki iritzitako ideia edo iradokizun guztiak ere jarri ahal izango dira.

Taberna ustiatzen duen elkarteak gutxieneko irabaziak izango dituela bermatzeko, eta horiek helburu sozial edota kulturaletarako erabiliko direla kontuan hartuta, tabernarako salgaiak erosteko 700 euro gehi BEZ ekarpena egingo du Udalak.Adjudikazioa zozketa bidez erabakiko da, aurkezten diren guztien artean.