Luis Ezeiza Herri Eskolaren 55.urteurrenaren ospakizunen baitan, larunbat honetan, 'Aniztasun jaia' ospatuko dute Eskoriatzako herriko plazan. Goizeko 11:30etik aurrera, plazara hurbiltzen den jendeak aukera izango du eskolako familien lurraldeak hobeto ezagutzeko: bertako jakiak dastatuz, informazioa irakurriz (bitxikeriak barne), herrialde bakoi-tzeko material ezberdina ikusiz...

Eguerdiko 13:00ak aldera, lurralde ezberdinekin lotura duen jolas kooperatibo bat egingo dute guztion artean eta amaitzeko, munduko pare bat dantza dantzatuko dituzte.

Luis Ezeiza Herri Eskola 55. urteurrenaren baitan hainbat ekintza antolatu ditu, besteak beste argazki erakusketak eta Debagoieneko herri eskolen jaia.