Просмотр новости
Найдите то, что Вас интересует
Спутники
РН
SpaceX
Роскосмос
NASA
СпутникиРНSpaceXРоскосмосNASAБилимБу кюнледе Пятигорскну Комсомол таласында «Росмолодежь.Форумы» платформаны «Машук» XVII Битеуроссей жаш тёлю форумуну къууанчлы ачылыуу болгъанды. Быйыл ол битеуроссейден эмда тыш къыралладан 2200-ден аслам адамны жыйгъанды. Анга окъутуу эмда юйретиу жаны бла жаш профессионалла, федерал сабий жамауат советни активи, «Биринчиле Биринчилеге» битеуроссей проектни жаш устазлары бла окъуучулары къатышадыла.
Форум «Жаш тёлю бла сабийле» миллет проектни чеклеринде бардырылады. Аны къурагъанланы бла анга къатышханланы, къонакъланы да Россейни Президенти Владимир Путин алгъышлагъанды. Ол «Машук» уллу жолну ётгенин, сыйын кётюргенин эмда бирикдирген кючюн да бегитгенин чертип, жаш тёлю кесини тирилиги, учунуулугъу эмда уллу кёллю болмауу бла магъаналы къурау кюч болгъанын, билим бериу, ёсюп келген тёлюню юйретиу, маданият байлыкъны сакълау эмда миллетле аралы келишиулюкню кючлеу бла байламлы борчланы толтурууда аны къошумчулугъу бек магъаналыды, дегенди.
«Жаш устазла, студентле эм фахмулу жаш адамла бусагъатдагъы форумну тюбешиулерине бек тири къошуллукъларына толу ийнанама. Ала жангы билим аллыкъдыла, профессионал кёз къарамны кенгертирикдиле. Мында тёреге айланнган шуёх эмда чыгъармачылыкъ хал а сейир оюмлагъа бла жангы башламчылыкълагъа талпындырлыкъдыла», - деп къошханды Владимир Владимирович.
2024 жылда «Машук» жаш тёлюню жетишимлерини «Жаш тёлюню заманы» битеуроссей саугъасыны «Жылны эсде къаллыкъ иши» бёлюмюнде хорлагъанды, 2025 жылда уа саугъа къоллу болгъанды.
«Устазлыкъ бла насийхатчылыкъ – ол къудурет берген, усталыкъны дайым ёсдюрюуню, жангы билим алыуну, сынамны жыйышдыра барыуну излеген фахмуду. Анга жангы онгла къураргъа «Жаш тёлю бла сабийле» миллет проект болушады. «Машук» оноучуланы, устазланы эмда илму ишчилени хазырларгъа онг берген сейир майданды. Форумну хайырындан битеу 2,2 минг адам, ол санда СВО-ну ветеранлары-насийхатчылары да, жангы амалланы билликлерине, дагъыда сынамларын бир бирлерине билдирирге онг табарыкъларына ишексизме», – дегенди Россейни Правительствосуну Председателини орунбасары Дмитрий Чернышенко.
Биринчи смена - «Акъылбалыкъ болуу» - 8 августдан башлап 15-сине дери бардырылгъанды. Ол «Биз къаллай билим беребиз эм не затха юйретебиз?» деген баш сорууну жууап излеуге аталгъанды. Аны ишине 8 тематика жолну келечилери къатышхандыла: «Устазла», «Флагманла», «Вожатыйле», «Проводникле», «Навигаторла», «Юйретиучюле», «Къоруулаучула» (энчи аскер операциягъа къатышханлагъа бла ветеранларына, дагъыда къошакъ билим берген устазлагъа, кружокланы башчыларына эм патриотлукъ клубланы къурагъанлагъа) эм «Тюрлениуле болдургъанла» (аны программасы «Машук» билим арада бардырылады).
Экинчи «Бирлик» смена уа 22 августха дери барлыкъды. Ол 7 ызны келечилерин бирикдирип, дагъыда бирикдирген ниетлени излеуге эмда кёп тюрлю маданиятла бла ишлеуге аталлыкъды.
«Бизни къыралда устазны усталыгъы жангы магъана бла даража алгъанды. Арт заманлада кёпден-кёп жаш адам жашау жолун аны бла байлайдыла. Устазла кючлю болушлукъ, къошакъ онгла эм усталыкъларын ёсдюрюр амалла табадыла, ол санда 17 жылны ичинде битеуроссей билим бериу майданладан бири болуп тургъан «Машук» арада да. Быйыл биз Россейни 89 регионундан эмда дунияны 77 къыралындан заявкала алгъанбыз. Программаны магъанасын жангыртыугъа да энчи эс бурабыз. Быйыл форумда Россейни халкъларыны бирлигини жылы, СВО-ну ветеранларына болушлукъ этиу эмда юйюр хазналаны бегитиу дегенча темала да сюзюллюкдюле.
«Машукда» юйретиу жаны бла ишчиле экспертле бла бирге миллетле аралы келишиулюкге юйретиуню, юйретиуге бла билим бериуге жалгъан акъылны (ИИ) сингдириу амалларын жарашдырлыкъдыла. Аны хайырындан окъуучулагъа школда окъургъа бютюнда сейир кёрюнюрюкдю, аны эсеплери уа бийик боллукъдула», – деп чертгенди Жаш т ёлюню ишлери жаны бла федерал агентствону башчысы Григорий Гуров.
«Бирлик» клуб Россейни халкъларыны бирлиги бла байламлы ишлени амалларын жарашдырыугъа эс бёллюкдю. «Билим бериуню адамы» клубну келечилери жаш устазлагъа илмуну эмда педагогиканы магъанасын ангылатыуну амаллары бла ишлерикдиле. «Келир заман» клуб технологияланы мадарларын ачыкълау бла кюреширикди.
«Ставрополье къонакълагъа тюбеп тургъанлы 17 жыл болгъанды. Хар жыл сайын бу талада жангы башламчылыкъла жаратылгъанларын, профессионал байламлыкъла къуралгъанларын, бек башы уа - къыралны тюрлю-тюрлю жерлеринде жашагъанланы бирикдирген бирча сезимлени кёребиз. Россейни халкъларыны бирлигини жылында бизни форумубуз энчи магъана алады. Ставрополь хар заманда мамырлыкъ бла келишиулюкню жери болгъанды: былайда 100-ден аслам миллетни келечилери бир-бирни къатларында жашайдыла.
Биз да, бир-бирибизни сакълай, биргелей бир муратха бара билебиз. Бери келгенлеге ол магъананы ангылатыргъа сюебиз. «Машукга» келген хар адам да ол халны сезеригине, былайда бир иннетли адамла табарыгъына эмда жангы жетишимлеге кёллениригине толу ийнанама», – дегенди Ставрополь крайны губернатору Владимир Владимиров.
Битеуроссей жаш тёлю форумну башчысы Иван Пальков «Машук» быйыл тынгылы жангы даражагъа чыкъгъанын чертгенди. «17 жылны ичинде анда 40 мингден аслам адам билимлерин ёсдюргендиле. Ала барысы да уллу юйню бир кесегидиле. Шёндюгю форум къыралда билим бериу системаны тюрлендирлик жангы педагогика къадарлагъа бла проектлеге жол ачхан майдан боллугъуна ийнанама», – дегенди Иван Пальцев.
Биринчи сменаны жарыкъландырыу программасыны чегинде сессияла, педагогика бла психология жаны бла алчы экспертлени лекциялары, чакъырылгъан спикерле бла «Магъаналы дерсле», форумну баш продуктлары бла къауум иш, ачыкъ дерсле бла мастер-классла ётерикдиле. Алагъа къатышханла педагогика эмда насийхат сынамларын ачыкъларгъа боллукъдула. Ахырында уа Ставрополь крайны сайлау комиссиясыны болушлугъу бла эм иги амалланы сайларыкъдыла.
Форумгъа къошулгъанладан бири - Владимирден «Перспектива» жаш тёлю араны таматасы Марина Вольскаяны проекти эм иги амалланы федерал тизмесине киргенди эмда Къыйын жашау болумгъа тюшген сабийлеге болушлукъ этген фондну грантын алгъанды. «Машукга» ол араны ачылыуун кёргюзтюрге эм коллегалары бла сынам алышыргъа келгенди. «Мен мында проектни къалай бардырылгъаныны эм бусагъатда къалай ишлегенини юсюнден айтыргъа сюеме. Дагъыда башхалагъа да тынгыларгъа, сабийле бла жаш адамла бла ишлеуню юсюнден аланы оюмларын билирге, сынамларына юйренирге, дагъыда кесими юсюмден хапар айтыргъа да излейме», - дегенди ол.
Тёредеча, форумда Росмолодежь.Гранты конкурс бардырыллыкъды. Анга къатышханла проектлерин кёргюзтюрге эм 1,5 миллион сомгъа дери болушлукъ алыргъа боллукъдула. Быйыл социал магъаналы темаладан 18 номинация боллукъду.
Форумну биринчи сменасыны хайырлы программасына Пятигорскну бла Железноводскну школларын бла сабий садларын жокълау, Пятигорскда сакъат сабийлени ата-аналарыны «Жюреклени жылыуу» жамауат биригиулерине барыу, Пятигорск шахарны устазларыны эмда башчыларыны кенгешчилери бла тюбешиу, къан бериу, дагъыда «Заманны суулары» тарых-патриот клубну «Россейди мени тарыхым» музейинде ачыкъ жыйылыу бардырыу киредиле.
Форумгъа къошулгъанлагъа жолоучулукъла къураргъа да белгиленеди: Пятигорск курорт-шахарны сейирлик жерлерине барыу бла Машук таугъа чыгъыу.
«Машук» Битеуроссей жаш тёлю форумну къурагъанла – жаш тёлюню ишлери жаны бла федерал агентство, Ставрополь крайны Правительствосу, Баш партнёр а «Машук» билим арады.
Додуланы Мадина хазырлагъанды.
Бу кюнледе Пятигорскну Комсомол таласында «Росмолодежь.Форумы» платформаны «Машук» XVII Битеуроссей жаш тёлю форумуну къууанчлы ачылыуу болгъанды. Быйыл ол битеуроссейден эмда тыш къыралладан 2200-ден аслам адамны жыйгъанды. Анга окъутуу эмда юйретиу жаны бла жаш профессионалла, федерал сабий жамауат советни активи, «Биринчиле Биринчилеге» битеуроссей проектни жаш устазлары бла окъуучулары къатышадыла.
Форум «Жаш тёлю бла сабийле» миллет проектни чеклеринде бардырылады. Аны къурагъанланы бла анга къатышханланы, къонакъланы да Россейни Президенти Владимир Путин алгъышлагъанды. Ол «Машук» уллу жолну ётгенин, сыйын кётюргенин эмда бирикдирген кючюн да бегитгенин чертип, жаш тёлю кесини тирилиги, учунуулугъу эмда уллу кёллю болмауу бла магъаналы къурау кюч болгъанын, билим бериу, ёсюп келген тёлюню юйретиу, маданият байлыкъны сакълау эмда миллетле аралы келишиулюкню кючлеу бла байламлы борчланы толтурууда аны къошумчулугъу бек магъаналыды, дегенди.
«Жаш устазла, студентле эм фахмулу жаш адамла бусагъатдагъы форумну тюбешиулерине бек тири къошуллукъларына толу ийнанама. Ала жангы билим аллыкъдыла, профессионал кёз къарамны кенгертирикдиле. Мында тёреге айланнган шуёх эмда чыгъармачылыкъ хал а сейир оюмлагъа бла жангы башламчылыкълагъа талпындырлыкъдыла», - деп къошханды Владимир Владимирович.
2024 жылда «Машук» жаш тёлюню жетишимлерини «Жаш тёлюню заманы» битеуроссей саугъасыны «Жылны эсде къаллыкъ иши» бёлюмюнде хорлагъанды, 2025 жылда уа саугъа къоллу болгъанды.
«Устазлыкъ бла насийхатчылыкъ – ол къудурет берген, усталыкъны дайым ёсдюрюуню, жангы билим алыуну, сынамны жыйышдыра барыуну излеген фахмуду. Анга жангы онгла къураргъа «Жаш тёлю бла сабийле» миллет проект болушады. «Машук» оноучуланы, устазланы эмда илму ишчилени хазырларгъа онг берген сейир майданды. Форумну хайырындан битеу 2,2 минг адам, ол санда СВО-ну ветеранлары-насийхатчылары да, жангы амалланы билликлерине, дагъыда сынамларын бир бирлерине билдирирге онг табарыкъларына ишексизме», – дегенди Россейни Правительствосуну Председателини орунбасары Дмитрий Чернышенко.
Биринчи смена - «Акъылбалыкъ болуу» - 8 августдан башлап 15-сине дери бардырылгъанды. Ол «Биз къаллай билим беребиз эм не затха юйретебиз?» деген баш сорууну жууап излеуге аталгъанды. Аны ишине 8 тематика жолну келечилери къатышхандыла: «Устазла», «Флагманла», «Вожатыйле», «Проводникле», «Навигаторла», «Юйретиучюле», «Къоруулаучула» (энчи аскер операциягъа къатышханлагъа бла ветеранларына, дагъыда къошакъ билим берген устазлагъа, кружокланы башчыларына эм патриотлукъ клубланы къурагъанлагъа) эм «Тюрлениуле болдургъанла» (аны программасы «Машук» билим арада бардырылады).
Экинчи «Бирлик» смена уа 22 августха дери барлыкъды. Ол 7 ызны келечилерин бирикдирип, дагъыда бирикдирген ниетлени излеуге эмда кёп тюрлю маданиятла бла ишлеуге аталлыкъды.
«Бизни къыралда устазны усталыгъы жангы магъана бла даража алгъанды. Арт заманлада кёпден-кёп жаш адам жашау жолун аны бла байлайдыла. Устазла кючлю болушлукъ, къошакъ онгла эм усталыкъларын ёсдюрюр амалла табадыла, ол санда 17 жылны ичинде битеуроссей билим бериу майданладан бири болуп тургъан «Машук» арада да. Быйыл биз Россейни 89 регионундан эмда дунияны 77 къыралындан заявкала алгъанбыз. Программаны магъанасын жангыртыугъа да энчи эс бурабыз. Быйыл форумда Россейни халкъларыны бирлигини жылы, СВО-ну ветеранларына болушлукъ этиу эмда юйюр хазналаны бегитиу дегенча темала да сюзюллюкдюле.
«Машукда» юйретиу жаны бла ишчиле экспертле бла бирге миллетле аралы келишиулюкге юйретиуню, юйретиуге бла билим бериуге жалгъан акъылны (ИИ) сингдириу амалларын жарашдырлыкъдыла. Аны хайырындан окъуучулагъа школда окъургъа бютюнда сейир кёрюнюрюкдю, аны эсеплери уа бийик боллукъдула», – деп чертгенди Жаш т ёлюню ишлери жаны бла федерал агентствону башчысы Григорий Гуров.
«Бирлик» клуб Россейни халкъларыны бирлиги бла байламлы ишлени амалларын жарашдырыугъа эс бёллюкдю. «Билим бериуню адамы» клубну келечилери жаш устазлагъа илмуну эмда педагогиканы магъанасын ангылатыуну амаллары бла ишлерикдиле. «Келир заман» клуб технологияланы мадарларын ачыкълау бла кюреширикди.
«Ставрополье къонакълагъа тюбеп тургъанлы 17 жыл болгъанды. Хар жыл сайын бу талада жангы башламчылыкъла жаратылгъанларын, профессионал байламлыкъла къуралгъанларын, бек башы уа - къыралны тюрлю-тюрлю жерлеринде жашагъанланы бирикдирген бирча сезимлени кёребиз. Россейни халкъларыны бирлигини жылында бизни форумубуз энчи магъана алады. Ставрополь хар заманда мамырлыкъ бла келишиулюкню жери болгъанды: былайда 100-ден аслам миллетни келечилери бир-бирни къатларында жашайдыла.
Биз да, бир-бирибизни сакълай, биргелей бир муратха бара билебиз. Бери келгенлеге ол магъананы ангылатыргъа сюебиз. «Машукга» келген хар адам да ол халны сезеригине, былайда бир иннетли адамла табарыгъына эмда жангы жетишимлеге кёллениригине толу ийнанама», – дегенди Ставрополь крайны губернатору Владимир Владимиров.
Битеуроссей жаш тёлю форумну башчысы Иван Пальков «Машук» быйыл тынгылы жангы даражагъа чыкъгъанын чертгенди. «17 жылны ичинде анда 40 мингден аслам адам билимлерин ёсдюргендиле. Ала барысы да уллу юйню бир кесегидиле. Шёндюгю форум къыралда билим бериу системаны тюрлендирлик жангы педагогика къадарлагъа бла проектлеге жол ачхан майдан боллугъуна ийнанама», – дегенди Иван Пальцев.
Биринчи сменаны жарыкъландырыу программасыны чегинде сессияла, педагогика бла психология жаны бла алчы экспертлени лекциялары, чакъырылгъан спикерле бла «Магъаналы дерсле», форумну баш продуктлары бла къауум иш, ачыкъ дерсле бла мастер-классла ётерикдиле. Алагъа къатышханла педагогика эмда насийхат сынамларын ачыкъларгъа боллукъдула. Ахырында уа Ставрополь крайны сайлау комиссиясыны болушлугъу бла эм иги амалланы сайларыкъдыла.
Форумгъа къошулгъанладан бири - Владимирден «Перспектива» жаш тёлю араны таматасы Марина Вольскаяны проекти эм иги амалланы федерал тизмесине киргенди эмда Къыйын жашау болумгъа тюшген сабийлеге болушлукъ этген фондну грантын алгъанды. «Машукга» ол араны ачылыуун кёргюзтюрге эм коллегалары бла сынам алышыргъа келгенди. «Мен мында проектни къалай бардырылгъаныны эм бусагъатда къалай ишлегенини юсюнден айтыргъа сюеме. Дагъыда башхалагъа да тынгыларгъа, сабийле бла жаш адамла бла ишлеуню юсюнден аланы оюмларын билирге, сынамларына юйренирге, дагъыда кесими юсюмден хапар айтыргъа да излейме», - дегенди ол.
Тёредеча, форумда Росмолодежь.Гранты конкурс бардырыллыкъды. Анга къатышханла проектлерин кёргюзтюрге эм 1,5 миллион сомгъа дери болушлукъ алыргъа боллукъдула. Быйыл социал магъаналы темаладан 18 номинация боллукъду.
Форумну биринчи сменасыны хайырлы программасына Пятигорскну бла Железноводскну школларын бла сабий садларын жокълау, Пятигорскда сакъат сабийлени ата-аналарыны «Жюреклени жылыуу» жамауат биригиулерине барыу, Пятигорск шахарны устазларыны эмда башчыларыны кенгешчилери бла тюбешиу, къан бериу, дагъыда «Заманны суулары» тарых-патриот клубну «Россейди мени тарыхым» музейинде ачыкъ жыйылыу бардырыу киредиле.
Форумгъа къошулгъанлагъа жолоучулукъла къураргъа да белгиленеди: Пятигорск курорт-шахарны сейирлик жерлерине барыу бла Машук таугъа чыгъыу.
«Машук» Битеуроссей жаш тёлю форумну къурагъанла – жаш тёлюню ишлери жаны бла федерал агентство, Ставрополь крайны Правительствосу, Баш партнёр а «Машук» билим арады.
| # | Наименование новости | Тональность | Информативность | Дата публикации |
|---|---|---|---|---|
| 1 | Машук–2026: Юйретиуню мурдоруна къоркъутууну угъай, сюймекликни салып | 0 | 19.87 | 12-08-2026 |
| 2 | Жарыкъландырыучуланы даражаларын кётюрюр муратда | 0 | 21.27 | 21-08-2026 |
| 3 | «Тил - къайсы халкъны да энчи байлыгъыды» | 0 | 20.11 | 29-07-2026 |
| 4 | 90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ... | -5 | 3 | 08-07-2026 |
| 5 | «Устаз бюгюнлюкде дерсине алгъадан эсе кёбюрек эс бурургъа керек сунама» | 0 | 17.71 | 29-07-2026 |
| 6 | 90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ... | -3 | 4 | 08-07-2026 |
| 7 | «Сабий жюрекчиклени сюймекликден толтурургъа итинебиз» | 0 | 16.82 | 31-07-2026 |
| 8 | Огъурлулукъну тёрелерин бузмагъандыла | 0 | 22.38 | 18-08-2026 |
| 9 | ЧАДААНАГА КҮС КЕЛИРГЕ-ЛЕ тывалар ыглажып-ла эгелээр. Байлар-даа, бөдүүн-даа улус, арта ... | 0 | 12.72 | 29-07-2026 |
| 10 | Студент къауум сынам алады | 0 | 22.16 | 04-08-2026 |