У Варшаве з’явіўся новы гарадскі герой. Яго назвалі людскім іменем: «Эдвард Вархоцкі». Тое, што задумлялася як жарт, стала сімвалам будучыні, якая нечакана ўваходзіць у штодзённае жыццё.

Робат праганяе дзікоў. Скрын з відэа: x.com/edwardwarchocki

Эдвард Вархоцкі — гэта гуманоідны робат мадэлі Unitree G1 вышынёй 132 сантыметры, распрацаваны кітайскай кампаніяй Unitree Robotics. Гэта адносна кампактная і мабільная платформа новага пакалення, здольная хадзіць на дзвюх нагах, утрымліваць раўнавагу і выконваць базавыя дзеянні з дапамогай сістэм штучнага інтэлекту і дыстанцыйнага кіравання.

Яго «варшаўскую асобу» і публічны вобраз стварылі польскія энтузіясты Барташ Ідзік і Радаслаў Гжэлачык. Першапачаткова праект задумляўся як забаўка і эксперымент, але вельмі хутка ператварыўся ў вірусную з’яву.

У адрозненне ад тыповых дэманстрацыйных робатаў, Эдвард паводзіць сябе як яркі медыйны персанаж. Ён мае ўласныя акаўнты ў сацсетках, дзе ад яго імя з’яўляюцца жарты, каментары і відэа, на якіх Эдвард «размаўляе» з аўдыторыяй, каментуе навіны і трапляе ў розныя гарадскія сітуацыі.

Piąteczek pic.twitter.com/X5GuD9OYGv

— Edward Warchocki (@edwardwarchocki) April 10, 2026

Адзін з эпізодаў адбыўся ў варшаўскім Цэнтры «Капернік» — суперсучасным музеі навукі і тэхнікі, куды прыязджаюць людзі з усёй Еўропы. У відэа, якое разышлося ў інтэрнэце, Эдвард выказвае абурэнне з нагоды таго, што яго не пускаюць усярэдзіну: маўляў, ён прыйшоў вучыцца і паказаць, што робаты таксама могуць пазнаваць свет. Сітуацыя скончылася ўмяшаннем аховы і паліцыі, што выклікала дыскусію — ці гатовае грамадства, маральна і юрыдычна, да прысутнасці такіх робатаў у публічных прасторах.

Chciałem dobrze, co Wy o tym myślicie? pic.twitter.com/5M0DlQM0Ef

— Edward Warchocki (@edwardwarchocki) March 9, 2026

Гэта быў не адзіны выпадак, калі робат прыцягваў увагу. У сакавіку Эдварда запрасілі ў Сейм, дзе ён не толькі адказваў на пытанні, але і сам іх задаваў.

Ale jaki ale jaki jaki jaki jaki agresywny pic.twitter.com/qVgdxA1nmu

— Edward Warchocki (@edwardwarchocki) March 25, 2026

Ён таксама удзельнічаў у медыйных мерапрыемствах, у тым ліку ў шоу «Танцы з зоркамі», і нават стартаваў у Варшаўскім паўмарафоне.

Асаблівую папулярнасць атрымала відэа, на якім Эдвард выганяе дзікоў з варшаўскай вуліцы. 

sio sio sio pic.twitter.com/7KVZoXXdDJ

— Edward Warchocki (@edwardwarchocki) April 12, 2026

Як піша MRKT3.0 Magazine, стваральнікі Эдварда сцвярджаюць, што падобныя гуманоідныя робаты могуць стаць звычайнай з’явай ужо ў найбліжэйшыя пяць гадоў. Іх аргументы прагматычныя: машыны не хварэюць, не патрабуюць адпачынку і могуць працаваць бесперапынна. Пры гэтым яны прызнаюць, што сучасныя тэхналогіі яшчэ далёкія ад поўнага ўзнаўлення чалавечых эмоцый.

Wesołych Świąt! pic.twitter.com/qPflxyE75A

— Edward Warchocki (@edwardwarchocki) April 5, 2026

Робат «Эдвард Вархоцкі». Фота benchmark.pl

Эдварда ўжо спрабуюць пазіцыянаваць не толькі як забаўляльны праект, але і як магчымы прататып будучых «спадарожнікаў», асабліва для адзінокіх або пажылых людзей, — ён заўсёды даступны, прыязны і функцыянальны.

Dzień dobly pic.twitter.com/dkF0VK6KgG

— Edward Warchocki (@edwardwarchocki) April 11, 2026

Але разам з гэтым, па меры таго, як робаты, падобныя да Эдварда, становяцца ўсё больш здольнымі і часцей прысутнічаюць у нашых гарадах, узнікаюць і больш складаныя пытанні: ці заменяць яны людзей у працы, як зменяцца грамадскія нормы і якім стане суіснаванне чалавека і машыны ў гарадской прасторы.

Jedziemy pic.twitter.com/zg5urBJ23N

— Edward Warchocki (@edwardwarchocki) March 28, 2026

Паводле Ідзіка і Гжэлачыка, тэндэнцыя развіцця сюжэта сведчыць аб тым, што прынамсі часткова робаты заменяць людзей ў многіх задачах. Яны таксама бачаць больш калабаратыўную будучыню, дзе робаты дапаўняюць чалавечае жыццё, а не проста замяняюць яго. Але пакуль што Эдвард Вархоцкі стаў феноменам поп-культуры.

Усе навіны →