Armannıñ 7-de rusiye ordusı Odesağa ücüm etti, neticede sport infrastrukturası zarar kördi, adamlar arasında da zarar körgenler bar, dep bildirdi şeerniñ arbiy memuriyetiniñ yolbaşçısı Serğiy Lısak.

Vilâyet niñarbiy memuriyetiniñ yolbaşçısı Oleg Kiper, ücüm neticesinde şeerniñ merkezinde "Çernomorets" futbol stadionı zarar kördi: dam, cam ve tribunalar yoq etildi, dep bildirdi. İlk malümatqa köre, bir insan yaralandı, dep qoştı OVA yolbaşçısı.

Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.

Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.

İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.

Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.