Ukrayina Armannıñ 16-nda Ukrayina Mudafaa nazirliginiñ bildirgenine köre, Ukrayina Wildberries şirketiniñ 10 eñ büyük logistik merkezinden yedisini çalışamağan alına ketirgen.

"Bazar kününe keçer gecesi Moskva civarında uçucısız uçaqlarnıñ büyük ücüminden soñ Domodedovo anbarınen beraber şirketniñ logistika bölügi de işini toqtattı. Bu, Wildberriesniñ 250 biñ kvadrat metrlik eñ büyük anbarı edi", — dep aytıla haberde.

Rusiyeniñ keñ kölemli basuvı başlanğan soñ, RF territoriyasındaki çeşit obyektler ve Ukrayinanıñ işğal etilgen bölgeleri ava darbelerine oğray. Ücümlerniñ çoqusını Ukrayina Silâlı quvetleriniñ Baş ştabı tasdıqlap, Ukrayina mudafaa quvetleri "Rusiye işğalci ordusınıñ arbiy imkânlarını eksiltmek ve Rusiye Federatsiyasını Ukrayinağa qarşı silâlı tecavuznı toqtatmağa mecbur etmek içün sistematik şekilde tedbirlerni amelge keçire" dep bildirdi.