Kirol erakustaldi ugariez gozatu ahal izan dute gaur goiz-eguerdian Foru plazara gerturatu direnek. Frontoian bi txapelketa jokatu dira goizean zehar, Andre Maria Zuriaren Jaietako Eskuz Binakako Euskal Pilota Txapelketan mutilak aritu dira lehian, batetik, eta ostean Green Capital Emakumezkoen palako txapelketaren finalean aritu dira bertan.

Herri kirolen erakustaldia ere ospatu da, ohitura den bezala, Foru plazan, Arabako Herri Kirolen Federazioaren eskutik. Aizkora lanetan, harri jasotzen eta ingudea altxatzen aritu dira dozena bat kirolari inguru, ehunka pertsonaren begiradapean.