Proposamen artistiko bitxia entzuteko parada izango da datorren ostiralean, hilaren 24an, Torreberri Gaztetxean. Zumaiako Gazte Asanbladak egun horretarako antolatu duen Mojitada ekintzaren barruan, poesia eta elektronika uztartzen dituen Bizi Sintetikoak bikotearen emanaldia jarraitu ahal izango da. 

Leire Vargas poetak eta Jaime Nieto musikariak osatutako proposamena da Bizi Sintetikoak. Lehenak poemak irakurriko ditu We Are Standard edo Joseba Irazoki eta Lagunak taldeetan aritutako musikariak sortutako doinu elektronikoen gainean. Saioa 19:30ean hasiko da. 

Ez da izango hura Mojitadak ekintzaren barruan izango den musika saio bakarra. 21:00etan hasita, Malen eta Uxuek kontzertu akustikoa eskainiko dute, eta haren amaieran DJ saioak izango dira.